തെളിനീരൊഴുകും നവകേരളം പദ്ധതിയുടെ ഭാഗമായി ശുചീകരിച്ച 29-ാം മൈൽ വെള്ളച്ചാട്ടത്തിന് സമീപം ഇനി ചെണ്ടുമല്ലികൾ വിരിയും. കണിച്ചാർ ഗ്രാമപ്പഞ്ചായത്ത് തൊഴിലുറപ്പ് പദ്ധതിയിൽ ഉൾപ്പെടുത്തിയാണ് ഇവിടം ശുചീകരിച്ചത്.
ഈ സ്ഥലത്ത് ജില്ലാപഞ്ചായത്തും കണിച്ചാർ ഗ്രാമപ്പഞ്ചായത്തും സംയുക്തമായി ചെണ്ടുമല്ലികൾ വെച്ചുപിടിപ്പിക്കുന്നതിന്റെ ഉദ്ഘാടനം നാളെ (വ്യാഴാഴ്ച) രാവിലെ 10-ന് കണിച്ചാർ ഗ്രാമപ്പഞ്ചായത്ത് പ്രസിഡൻറ് ആൻറണി സെബാസ്റ്റ്യൻ നിർവഹിക്കും. വെള്ളച്ചാട്ടത്തിൽനിന്ന് ശേഖരിച്ച ഒരു ലോഡ് മാലിന്യം ക്ലീൻ കേരളയ്ക്ക് നൽകിയിരുന്നു.