പ്രതിപക്ഷനേതാക്കളെ കേസില്‍ കുടുക്കി രാഷ്ട്രീയപ്രവര്‍ത്തനം തടസപ്പെടുത്തുന്നതിന് അന്വേഷണ ഏജന്‍സികളെ കേന്ദ്രസര്‍ക്കാര്‍ ദുരുപയോഗിക്കുകയാണെന്ന് സണ്ണി ജോസഫ് എംഎല്‍എ.
നെഹ്‌റു കുടുംബത്തെ അപകീര്‍ത്തിപ്പെടുത്തി കോണ്‍ഗ്രസ് പ്രസ്ഥാനത്തെ തകര്‍ക്കാനുള്ള നരേന്ദ്രമോദി സര്‍ക്കാരിന്‍റെ നിലപാടില്‍ പ്രതിഷേധിച്ചും രാഹുല്‍ഗാന്ധിയെ വിളിച്ചുവരുത്തി അപമാനിക്കുന്ന എന്‍ഫോഴ്‌സ്മെന്‍റ് നടപടിയില്‍ പ്രതിഷേധിച്ചും ജില്ലാ കോൺഗ്രസ് കമ്മിറ്റിയുടെ ആഭിമുഖ്യത്തില്‍ നടന്ന ഇന്‍കം ടാക്‌സ് ഓഫീസ് ഉപരോധസമരം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. രാഹുല്‍ഗാന്ധിയെ ചോദ്യം ചെയ്യുന്നതിലൂടെ കോണ്‍ഗ്രസിനെ തകര്‍ക്കാമെന്ന ബിജെപി സര്‍ക്കാരിന്‍റെ മോഹം നടക്കാന്‍ പോകുന്നില്ല. ശക്തമായ പ്രതിരോധം കോണ്‍ഗ്രസ് രാജ്യവ്യാപകമായി ഉയര്‍ത്തുമെന്നും സണ്ണി ജോസഫ് പറഞ്ഞു.
അന്വേഷണ ഏജൻസികളെ ദുരുപയോഗിക്കുന്നു: സണ്ണി ജോസഫ് എം. എൽ. എ
