കേളകം: ജനവാസ മേഖലയെ ബഫർ സോൺ പരിധിയിൽ നിന്ന് ഒഴിവാക്കണമെന്നാവശ്യപ്പെട്ട് എൽ ഡി എഫിന്റെ നേതൃത്വത്തിൽ ചൊവ്വാഴ്ച നടത്തുന്ന മലയോര ഹർത്താലിനോടനുബന്ധിച്ച് കേളകത്ത് വിശദീകരണ പൊതുയോഗം സംഘടിപ്പിച്ചു. സി പി ഐ എം ജില്ല സെക്രട്ടറിയേറ്റംഗം എം.പ്രകാശൻ മാസ്റ്റർ ഉദ്ഘാടനം ചെയ്തു. സി പി ഐ പേരാവൂർ മണ്ഡലം സെക്രട്ടറി സി കെ ചന്ദ്രൻ അദ്ധ്യക്ഷത വഹിച്ചു. സി പി എം പേരാവൂർ ഏരിയ സെക്രട്ടറി അഡ്വ. എം രാജൻ, സി പി ഐ ജില്ലാ അസി. സെക്രട്ടറി എ പ്രദീപൻ, കേരള കോൺഗ്രസ് എം ജില്ലാ സെക്രട്ടറി ജോർജ് ഓരത്തേൽ, എൻ സി പി ജില്ലാ പ്രസിഡന്റ് അജയൻ പായം തുടങ്ങിയവർ സംസാരിച്ചു.
next post