മുഖ്യമന്ത്രി രാജിവയ്ക്കണമെന്നാവശ്യപ്പെട്ട് കോണ്‍ഗ്രസിന്‍റെ നേതൃത്വത്തില്‍ കണ്ണൂർ കളക്‌ടറേറ്റിലേക്ക് നടത്തിയ മാര്‍ച്ചില്‍ പങ്കെടുത്ത കോൺഗ്രസ് പ്രവർത്തകർക്കെതിരേ കേസെടുത്തു.
ഡിസിസി പ്രസിഡന്‍റ് മാർട്ടിൻ ജോർജ്, യൂത്ത് കോൺഗ്രസ് ജില്ലാ പ്രസിഡന്‍റ് സുദീപ് ജയിംസ്, സംസ്ഥാന വൈസ് പ്രസിഡന്‍റ് റിജിൽ മാക്കുറ്റി, കോൺഗ്രസ് നേതാവ് രാജീവൻ എളയാവൂർ, കെഎസ്‌യു ജില്ലാ പ്രസിഡന്‍റ് മുഹമ്മദ് ഷമാസ് തുടങ്ങി കണ്ടാലറിയാവുന്ന 400റോളം പേർക്കെതിരേയാണ് കണ്ണൂർ ടൗൺ പോലീസ് കേസെടുത്തിരിക്കുന്നത്.
പൊതുജനങ്ങൾക്ക് ശല്യം ഉണ്ടാക്കിയതിനും വാഹനം ഗതാഗതം തടസപ്പെടുത്തിയതിനുമാണ് കേസ്. ഇന്നലെ രാവിലെ കണ്ണൂർ കളക്‌ടറേറ്റിലേക്ക് കോൺഗ്രസ് പ്രവർത്തകർ നടത്തിയ മാർച്ച് അക്രമാസക്തമായിരുന്നു.