പേരാവൂർ: കുനിത്തല ഗവ.യു.പി.സ്കൂളിലെ മുഴുവൻ വിദ്യാർഥികൾക്കും ഡി.വൈ.എഫ്.ഐയും യുണൈറ്റഡ് മർച്ചന്റ്സ് ചേമ്പർ പേരാവൂർ യൂണിറ്റും ചേർന്ന് നോട്ടുബുക്കുകൾ നല്കി. പേരാവൂർ പഞ്ചായത്ത് പ്രസിഡന്റ് പി.പി. വേണുഗോപാലൻ സ്കൂൾ പ്രഥമധ്യാപകൻ മമ്മാലി ശ്രീകുമാറിന് നല്കി വിതരണോദ്ഘാടനം നടത്തി. വാർഡ് മെമ്പർ സി. യമുന അധ്യക്ഷത വഹിച്ചു.
ഡി.വൈ.എഫ്.ഐ പേരാവൂർ സൗത്ത് മേഖല സെക്രട്ടറി സി. സനീഷ്, ബ്ലോക്ക് കമ്മിറ്റിയംഗം കെ. ശ്രീഹരി, യൂണിറ്റ് സെക്രട്ടറി എം. അതുൽ തുടങ്ങിയവർ സംബന്ധിച്ചു. ഒന്ന് മുതൽ നാലാം ക്ലാസു വരെയുള്ള മുഴുവൻ വിദ്യാർഥികൾക്കുമാണ് നോട്ടുബുക്കുകൾ വിതരണം ചെയ്തത്.