തലശേരി അതിരൂപത പ്രോട്ടോ സിഞ്ചെല്ലൂസായി ഫാ.ആന്റണി മുതുകുന്നേൽ നിയമിതനായി. ഫാ.സെബാസ്റ്റ്യൻ പാലാക്കുഴി, ഫാ.മാത്യു ഇളംതുരുത്തിപ്പടവിൽ എന്നിവരാണ് സിഞ്ചെല്ലൂസുമാർ.
അതിരൂപത ചാൻസലറും പിആർഒയുമായി ഫാ.ജോസഫ് മുട്ടത്തുകുന്നേലും അതിരൂപത വൈസ് ചാൻസലറായി ഫാ.ജേക്കബ് വട്ടുകളവും അതിരൂപത പ്രൊക്യുറേറ്ററായി ഫാ.ജോസഫ് കാക്കരമറ്റത്തിലും നിയമിതരായി.
ഭദ്രാവതി രൂപത പ്രോട്ടോസിഞ്ചെല്ലൂസായി ഫാ.തോമസ് ചിറ്റിലപ്പള്ളി നിയമിതനായി. കാസർഗോഡ് റീജണിന്റെ ചുമതലയുള്ള വികാരി ജനറാളായി മോൺ.ജോസഫ് ഒറ്റപ്ലാക്കൽ തുടരും.
ഫാ.തോമസ് തെങ്ങുംപള്ളിൽ വായാട്ടുപറന്പ് ഫൊറോന വികാരിയായും ഫാ.തോമസ് വടക്കേമുറിയിൽ എടൂർ ഫൊറോന വികാരിയായും ഫാ.ഏബ്രഹാം മഠത്തിമ്യാലിൽ മേരിഗിരി ഫൊറോന വികാരിയായും ഫാ.ആന്റണി മഞ്ഞളാംകുന്നേൽ ചെന്പന്തൊട്ടി ഫൊറോന വികാരിയായും ഫാ.മാത്യു വേങ്ങക്കുന്നേൽ തളിപ്പറന്പ് ഫൊറോന വികാരിയായും ഫാ.ജോൺ ഓണംകുളം പൈസക്കരി ഫൊറോന വികാരിയായും നിയമിതരായി.
ഫാ.ആന്റണി പരതേപതിക്കലാണ് കരുവഞ്ചാൽ സെന്റ് ജോസഫ് ആശുപത്രി ഡയറക്ടർ. പരിയാരം മദർ ഹോം ഡയറക്ടറായി ഫാ.ജയിംസ് പുത്തൻനടയിലും ചെന്പേരി വിമൽജ്യോതി എംബിഎ കോളജ് പ്രിൻസിപ്പലായി ഫാ. തോമസ് വടക്കേമുളഞ്ഞനാലും സാൻ ജോസ് അക്കാദമി ഡയറക്ടറായി ഫാ.സ്കറിയ വടശേരിലും നിയമിതരായി.
ചെന്പേരി കരുണാലയം, സാന്ത്വനം, വിമല ആശുപത്രി ഡയറക്ടറായി ഫാ.സെബാസ്റ്റ്യൻ ചെന്നോത്ത് നിയമിതനായി.
ഫാ.മാത്യു വലിയപറന്പിൽ ദീപിക റസിഡന്റ് മാനേജർ ദീപിക കണ്ണൂർ യൂണിറ്റ് റസിഡന്റ് മാനേജരായി ഫാ.മാത്യു വലിയപറന്പിൽ നിയമിതനായി.
കഴിഞ്ഞ ഏഴുവർഷമായി റസിഡന്റ് മാനേജരായിരുന്ന ഫാ.സെബാസ്റ്റ്യൻ എടയാടിയിൽ പാത്തൻപാറ വികാരിയായും ആലക്കോട് മേരിമാതാ കോളജ് വൈസ് പ്രിൻസിപ്പലായും നിയമിതനായി.