തിരുവനന്തപുരം: സംസ്ഥാന സർക്കാരിന്‍റെ പുതിയ മദ്യനയത്തിന്‍റെ ഭാഗമായി തിരക്കു കുറയ്ക്കുന്നതിനായി സംസ്ഥാനത്ത് 172 ഔട്ട്‌ലെറ്റുകൾകൂടി തുറക്കാമെന്ന നിർദേശം ബിവറേജസ് കോർപറേഷൻ സർക്കാരിനെ അറിയിച്ചു.
എന്നാൽ, മദ്യവ്യാപന മദ്യനയത്തിനെതിരേ പ്രതിഷേധം വ്യാപകമായ സാഹചര്യത്തിൽ ഇത്രയും പുതിയ ഔട്ട്‌ലെറ്റുകൾ ആരംഭിക്കാൻ സർക്കാർ തത്കാലം അനുമതി നൽകില്ല.
പകരം, നേരത്തെ പല കാരണങ്ങളാൽ പൂട്ടിയ 29 കേന്ദ്രങ്ങളിൽ പ്രീമിയം ഔട്ട്‌ലെറ്റുകളാക്കി ഉയർത്തി ആദ്യഘട്ടത്തിൽ തുറക്കുന്നതാണു സർക്കാരിന്‍റെ പരിഗണനയിലുള്ളത്.