ഇരിട്ടി: മലഞ്ചരക്ക് വ്യാപാരിയെ സ്ഥാപനത്തിന് പുറകില്‍ തൂങ്ങി മരിച്ച നിലയില്‍ കണ്ടെത്തി.പുന്നാട് ടൗണിലെ മലഞ്ചരക്ക് വ്യാപാരി മീത്തലെ പുന്നാട്ടെ കൊടേരി പുരുഷോത്തമന്‍ (58) നെയാണ് ഇന്നലെ രാത്രി കടയ്ക്ക് പിറകുവശം തൂങ്ങി മരിച്ച നിലയില്‍ കണ്ടെത്തിയത്. വര്‍ഷങ്ങളായി പുന്നാട് ടൗണില്‍ മലഞ്ചരക്ക് വ്യാപാരം നടത്തി വരികയായിരുന്നു. മൃതദേഹം ഇരിട്ടി പോലീസ് ഇന്‍ക്വിസ്റ്റ് നടത്തിയ ശേഷം പോസ്റ്റ്‌മോര്‍ട്ടത്തിനായി കണ്ണൂര്‍ ഗവ. മെഡിക്കല്‍ കോളജ് മോര്‍ച്ചറിയിലേക്ക് മാറ്റി.പരേതരായ പുളിയന്‍ കുഞ്ഞിക്കണ്ണന്‍ നമ്പ്യാരുടെയും കൊടേരി തമ്പായി അമ്മയുടെയും മകനാണ്.ഭാര്യ: റീന ചമ്മഞ്ചേരി. മക്കള്‍: നവ്യശ്രീ, അനുശ്രീ, ഐശ്വര്യ. മരുമകന്‍:പ്രശോഭ്. സഹോദരങ്ങള്‍: ഗോപാലന്‍ നമ്പ്യാര്‍, മുകുന്ദന്‍, അരവിന്ദന്‍ ,രമേശന്‍, ചന്ദ്രിക.