ഇരിട്ടി : ഇരിട്ടി എക്സൈസ് സർക്കിൾ ഇൻസ്പെക്ടർ പി.കെ സതീഷ് കുമാറിന്റെ നേതൃത്ത്വത്തിൽ കൂട്ടുപ്പുഴ കച്ചേരിക്കടവ് ഭാഗത്ത് വാഹന പരിശോധന നടത്തവേ KL 13 – AA 3835 നമ്പർ ഓട്ടോ ടാക്സിയിൽ കടത്തികൊണ്ടുവരികയായിരുന്ന 192 കുപ്പി കർണ്ണാടക മദ്യവുമായി പാലത്തും കടവിലെ ബിജു ജോസഫ് (47 ) എന്നയാളെ അറസ്റ്റ് ചെയ്തു. കർണാടകയിൽ നിന്നും മദ്യം കടത്തുന്നതായി രഹസ്യ വിവരം ലഭിച്ചതിന്റെ അടിസ്ഥാനത്തിലാണ് എക്സൈസ് പാർട്ടി പരിശോധന നടത്തിയത്.
പ്രിവന്റീവ് ഓഫീസർമാരായ കെ.ഉത്തമൻ , ബഷീർ പിലാട്ട് , സിവിൽ എക്സൈസ് ഓഫീസർമാരായ വി.കെ.അനിൽ കുമാർ.എം.രമേശൻ, ബെൻഹർ കോട്ടത്തു വളപ്പിൽ , എ.കെ.റിജു എന്നിവർ റെയ്ഡിൽ പങ്കെടുത്തു.പ്രതി ബിജു ജോസഫിനെ മട്ടന്നൂർ കോടതി റിമാന്റ് ചെയ്തു.
previous post