പേരാവൂർ: താലൂക്കാസ്പത്രി ഒ.പി. കെട്ടിടത്തിന് മുന്നിലെ വൈദ്യുത തൂണിൽ സ്ഥാപിച്ച വൈദ്യുത ബൾബ് തല തിരിഞ്ഞ നിലയിൽ. താഴെ വെളിച്ചം കിട്ടാൻ സ്ഥാപിച്ച ബൾബ് ആകാശത്തേക്കാണ് വെളിച്ചം നല്കുന്നത്
ഇതെങ്ങിനെ സംഭവിച്ചു എന്ന് ആർക്കും അറിയില്ല. എതാനും ദിവസം മുൻപ് ഈ തൂണിൽ നിന്ന് സമീപത്തെ കെട്ടിടത്തിലേക്കുള്ള വൈദ്യുതി വിച്ഛേദിക്കാൻ കെ.എസ്.ഇ.ബി ജീവനക്കാരൻ തൂണിൽ കയറിയിരുന്നു. അപ്പോൾ അബദ്ധത്തിൽ സംഭവിച്ചതാവാമെന്നാണ് കരുതുന്നത്. ഏതായാലും ആകാശത്തേക്ക് വെളിച്ചം പകരുന്ന തല തിരിഞ്ഞ ബൾബ് രാത്രിയിൽ ആസ്പത്രിയിലെത്തുന്ന രോഗികൾക്ക് കൗതുകമാവുകയാണ്