എറണാകുളം : കേരള കത്തോലിക്കാ ടീച്ചേഴ്‌സ് ഗിൽഡ് 2021 – 22 വർഷത്തെ മികച്ച അധ്യാപകരെ പ്രഖ്യാപിച്ചു. ഹയർ സെക്കൻഡറി വിഭാഗത്തിൽ തലശ്ശേരി രൂപതക്ക് കീഴിലെ കിളിയന്തറ സെയ്ന്റ് തോമസ് ഹയർ സെക്കൻഡറി സ്കൂൾ പ്രിൻസിപ്പാൾ പേരാവൂർ കൊട്ടംചുരം സ്വദേശി സെലസ്റ്റിൻ ജോൺ, ഹൈസ്കൂൾ വിഭാഗത്തിൽ മാവേലിക്കര കോർപ്പറേറ്റിന് കീഴിലെ നങ്ങ്യാർകുളങ്ങര ബി.ബി.എച്ച് സ്കൂൾ പ്രഥമധ്യാപിക സിസ്റ്റർ രജിത, യു.പി വിഭാഗത്തിൽ പാലാ കോർപ്പറേറ്റിന് കീഴിലെ മൂലമറ്റം സെയ്ന്റ് ജോർജ് യു.പി സ്കൂൾ അധ്യാപകൻ ജെ. റോയി, എൽ.പി വിഭാഗത്തിൽ നെയ്യാറ്റിൻകര കോർപ്പറേറ്റിന് കീഴിലെ ഉച്ചക്കട ആർ.സി.എൽ.പി സ്കൂൾ പ്രഥമധ്യാപകൻ ടി.ആർ ബേസിലും തിരഞ്ഞെടുക്കപ്പെട്ടു.
തൊണ്ടിയിൽ സെയ്ന്റ് ജോസഫ് ഇടവകാംഗമാണ് സെലസ്റ്റിൻ ജോൺ. ഭാര്യ ലിൻസി മേരി തോമസ് കൊട്ടിയൂർ ഐ.ജെ.എം ഹയർസെക്കൻഡറി സ്കൂൾ അധ്യാപികയാണ്. എമിൽ ജീൻ, നിവേദിത ആൻ സെലസ്, റോസ്ഫിൻ സെലസ്റ്റിൻ എന്നിവരാണ് മക്കൾ. മികച്ച കോർപ്പറേറ്റായി പാലാ തിരഞ്ഞെടുക്കപ്പെട്ടു.