ആശ്വസിക്കാന് സമയമായിട്ടില്ല. ഒമിക്രോണിന്റെ ഉപവകഭേദത്തിനെതിരെ ജാഗ്രത പാലിക്കണമെന്ന മുന്നറിയിപ്പുമായി ലോകാരോഗ്യ സംഘടന. ഒമിക്രോണിന്റെ ഉപവകഭേദങ്ങളുടെ സാന്നിധ്യം വര്ധിക്കുകയാണെന്നും ഇവയ്ക്ക് കൂടുതല് വ്യാപന ശേഷിയുണ്ടെന്നും മുന്നറിയിപ്പില് പറയുന്നു.
സാധാരണ നിലയിലേക്ക് മടങ്ങാനുള്ള ജനങ്ങളുടെ ആഗ്രഹത്തേയും സമ്മര്ദത്തേയും തങ്ങള് മനസ്സിലാക്കുന്നു. പക്ഷേ മഹാമാരി പൂര്ണമായും മാറിയിട്ടില്ലെന്ന് തിരിച്ചറിയണം. നിയന്ത്രണങ്ങള് പിന്വലിക്കുന്നതില് രാജ്യങ്ങള് മിതത്വം പാലിക്കണം- WHO യുടെ പുതിയ നിര്ദേശത്തില് പറയുന്നു.