കെഎസ്ഇബി സമരം ഒത്തുതീർപ്പാക്കാൻ ഫോർമുല തയാറാക്കിയിട്ടുണ്ടെന്ന് മന്ത്രി കെ. കൃഷ്ണൻകുട്ടി. സമരക്കാരുമായി ചർച്ച നടത്തി എല്ലാ പ്രശ്നവും പരിഹരിക്കുമെന്ന് മന്ത്രി മാധ്യമങ്ങളോട് പറഞ്ഞു.
എൽഡിഎഫ് നേതാക്കളുമായി മന്ത്രി നടത്തിയ കൂടിക്കാഴ്ചയ്ക്ക് ശേഷമാണ് പ്രതികരണം. നീതിയുടെ കൂടെ നിൽക്കുമെന്ന പറഞ്ഞ മന്ത്രി ഇടതു യൂണിയനുകൾ സമരം പിൻവലിക്കുമെന്നാണ് പ്രതീക്ഷിക്കുന്നതെന്നും വ്യക്തമാക്കി.
ഇടതുമുന്നണി കൺവീനർ വിളിച്ചു ചേർത്ത ചർച്ചയിൽ സിപിഐ സംസ്ഥാന സെക്രട്ടറി കാനം രാജേന്ദ്രൻ, സിഐടിയു നേതാവ് എളമരം കരീം തുടങ്ങിയവർ പങ്കെടുത്തു.