മട്ടന്നൂർ: മട്ടന്നൂർ ഗവ. ആശുപത്രിക്കു സമീപമുള്ള വയോജന വിശ്രമകേന്ദ്രത്തിൽ സൗജന്യ കോവിഡ് പരിശോധന തുടങ്ങി. തിങ്കൾ, ബുധൻ, വെള്ളി ദിവസങ്ങളിൽ രാവിലെ ഒൻപതു മുതൽ ഉച്ചയ്ക്ക് ഒന്നുവരെയാണു പരിശോധന. ആർടിപിസിആർ, ആന്റിജൻ പരിശോധനകൾ നടത്തും. കോവിഡ് രണ്ടാം തരംഗത്തിന്റെ തീവ്രത കുറഞ്ഞശേഷം മട്ടന്നൂരിൽ സൗജന്യ കോവിഡ് പരിശോധന നിർത്തിവച്ചിരുന്നു. മൂന്നാം തരംഗത്തിന്റെ ഭാഗമായി കോവിഡ് കേസുകൾ കുത്തനെ ഉയർന്നപ്പോഴും സൗജന്യ കോവിഡ് പരിശോധന ഉണ്ടായിരുന്നില്ല.