ആറളം: ഫാം ഗവ. ഹയർ സെക്കൻഡറി സ്കുൾ അധികൃതർ മന്ത്രിക്ക് നിവേദനം നൽകി. ആറളം ഫാം ഹയർ സെക്കൻഡറി സ്കൂളിലെ ഹയർ സെക്കൻഡറി വിഭാഗത്തിൽ തസ്തിക സൃഷ്ടിച്ച് സ്ഥിര അധ്യാപകരെ നീയമിക്കുക, ഗോത്രസാരഥി പദ്ധതി ഹയർ സെക്കൻഡി വിദ്യാർഥികൾക്കും ബാധകമാക്കുക, 9, 10, 11, 12 ക്ലാസുകളിലെ കുട്ടികൾക്കും ഉച്ചഭക്ഷണം നൽകുക. ഹയർ സെക്കൻഡറി വിഭാഗത്തിലെ വിദ്യാർഥികൾക്കും പ്രഭാത ഭക്ഷണം നൽകുക തുടങ്ങിയ കാര്യങ്ങളാണ് ആറളം ഫാം സന്ദർശിച്ച പട്ടിക വർഗക്ഷേമ മന്ത്രി കെ. രാധാകൃഷ്ണനോട് നിവേദനത്തിലൂടെ ആവശ്യപ്പെട്ടത്. പിടിഎ പ്രസിഡന്റ് കെ.ബി. ഉത്തമൻ, അധ്യാപകരായ ഡോ. രാഖീ രാജ്, രബീന്ദ്ര ബാബു എന്നിവരുടെ നേതൃത്വത്തിലാണ് നിവേദനം നൽകിയത്.