സില്വര്ലൈന് പദ്ധതിക്ക് പരിസ്ഥിതി അനുമതി ആവശ്യമില്ലെന്ന് കേന്ദ്രസര്ക്കാര്. പരിസ്ഥിതി അനുമതിക്കായി ഇതുവരെ അനുമതികളൊന്നും ലഭിച്ചിട്ടില്ലെന്നും റെയില്വേ പദ്ധതികള് പരിസ്ഥിതി ആഘാത പഠനത്തിന്റെ പരിധിയില് വരുന്നതല്ലെന്നും കേന്ദ്രം വ്യക്തമാക്കി.
പദ്ധതിയുമായി ബന്ധപ്പെട്ട് പ്രാഥമികമായ പരിസ്ഥിതി ആഘാത പഠനം കേരളം നടത്തിയെന്ന സൂചനയാണ് ഡിപിആറില് നിന്നും ലഭിച്ചത്. പദ്ധതിയുമായി ബന്ധപ്പെട്ട് ഒരു പരാതി ലഭിച്ചുവെന്നും അതിന് മറുപടി നല്കിയെന്നും കേന്ദ്രം അറിയിച്ചു.