കണ്ണൂര്‍: ജില്ലാ സ്പോര്ട്സ് കൗണ്‍സിലിന്‍റെ നേതൃത്വത്തില്‍ സംഘടിപ്പിച്ച ജില്ലാ മിനി വോളിവോള് ചാമ്പ്യന്‍ഷിപ്പിൽ ആൺകുട്ടികളുടെ വിഭാഗത്തിൽ ജിമ്മി ജോർജ് അക്കാഡമിയും പെൺകുട്ടികളുടെ വിഭാഗത്തിൽ കണ്ണൂർ സ്പോർട്സ് സ്കൂളുംജേതാക്കളായി. ആണ്‍കുട്ടികളുടെ വിഭാഗത്തില്‍ റെഡ് സ്റ്റാര്‍ പേരുലും പെണ്‍കുട്ടികളുടെ വിഭാഗത്തില്‍ വോയ്സ് ഓഫ് മണിക്കടവും റണ്ണേഴ്സ് അപ്പായി.
ആൺ കുട്ടികളുടെയും പെൺകുട്ടികളുകളുടെയും വിഭാഗത്തിൽ റെഡ് സ്റ്റാര്‍ പാണപുഴ, നേതാജി ഏഴിലോട് എന്നിവ യഥാക്രമം മൂന്നാം സ്ഥാനങ്ങൾ കരസ്ഥമാക്കി. ചാന്പ്യൻഷിപ്പിന്‍റെ ഉദ്ഘാടനം കണ്ണൂര്‍ സിറ്റി പോലീസ് കമ്മീഷണർ ആർ. ഇളങ്കോ നിർവഹിച്ചു.ജില്ലാ സ്പോര്ട്സ് കൗണ്‍സില്‍ സെക്രട്ടറി ഷിനിത്ത് പാട്യം അധ്യക്ഷത വഹിച്ചു. എം. ബാലകൃഷ്ണൻ, കെ. പ്രമോദൻ എന്നിവർ പ്രസംഗിച്ചു.വിവിധ സ്കൂളുകളേയും ക്ലബ്ബുകളേയും പ്രതിനിധീകരിച്ച് 31 ടീമുകള്‍പങ്കെടുത്തു. പരിയാരം മെഡിക്കല്‍ കോളജ് കായിക വിഭാഗം മേധാവി ഡോ.പി.പി ബിനീഷ് സമ്മാനദാനം നിർവഹിച്ചു.