എടത്തൊട്ടി: എടത്തൊട്ടി ഡി പോൾ ആർട്സ് ആൻഡ് സയൻസ് കോളജിൽ ഇന്‍റർ കോളേജിയറ്റ് ഫിലിം ഫെസ്റ്റിവൽ ആരംഭിച്ചു. സണ്ണി ജോസഫ് എംഎൽഎ ഉദ്ഘാടനം ചെയ്തു. പ്രിൻസിപ്പൽ റവ. ഡോ. പീറ്റർ ഊരൊത്ത് അധ്യക്ഷത വഹിച്ചു.
ഡി പോൾ ആർട്സ് ആൻഡ് സയൻസ് കോളജ് എടത്തൊട്ടി ഇംഗ്ലീഷ് ആൻഡ് ഇക്കണോമിക്സ് ഡിപ്പാർട്മെന്‍റിന്‍റെ അഭിമുഖ്യത്തിലാണ് ഫിലിം ഫെസ്റ്റിവൽ സംഘടിപ്പിക്കുന്നത്. മൂന്ന് ദിവസങ്ങളിലായി വിവിധ ഭാഷകളിലുള്ള പതിനഞ്ചോളം സിനിമകൾ പ്രദർശിപ്പിക്കും. ഡോൺ ബോസ്കോ കോളജ് ജേർണലിസം വിഭാഗം അധ്യാ പകൻ ഷാനു സൽമാൻ മുഖ്യപ്രഭാഷണം നടത്തി. ജോസ് ജോസഫ്. ഡോ. ഏബ്രഹാം ജോർജ്, മോഹൻരാജ് , രേഖ രാജ്, അശ്വിൻ എന്നിവർ പ്രസംഗിച്ചു.