23 C
Iritty, IN
February 27, 2024
  • Home
  • Kerala
  • ക്ഷീരമേഖലയിൽ വിദേശ നിക്ഷേപം കർഷകർക്ക്‌ ആപത്ത്‌: മന്ത്രി കെ കൃഷ്ണൻകുട്ടി
Kerala

ക്ഷീരമേഖലയിൽ വിദേശ നിക്ഷേപം കർഷകർക്ക്‌ ആപത്ത്‌: മന്ത്രി കെ കൃഷ്ണൻകുട്ടി

മൃഗസംരക്ഷണ, ക്ഷീരമേഖലയിൽ നൂറുശതമാനം വിദേശനിക്ഷേപത്തിന് അനുമതി നൽകാനുള്ള കേന്ദ്രസർക്കാർ നീക്കം കേരളത്തിലെ കർഷകരെയുൾപ്പെടെ അപകടത്തിലാക്കുമെന്ന് മന്ത്രി കെ കൃഷ്ണൻകുട്ടി. ഇത്‌ കർഷകരെ ബോധ്യപ്പെടുത്തി ഇത്തരം നീക്കങ്ങൾക്കെതിരെ പ്രതിരോധം ശക്തമാകണം. ഇന്ത്യൻ വെറ്ററിനറി അസോസിയേഷൻ സംസ്ഥാന സമ്മേളനം തൃശൂരിൽ ഉദ്‌ഘാടനം ചെയ്യുകയായിരുന്നു അദ്ദേഹം.

കേന്ദ്രസർക്കാരിന്റെ പുതിയനയം കാർഷിക ഉൽപ്പന്നങ്ങൾ യഥേഷ്‌ടം രാജ്യത്ത് ഇറക്കുമതി ചെയ്ത് വിറ്റഴിക്കാൻ അവസരം ഒരുക്കുന്നതാണ്‌. കാർഷിക മൂല്യവർധിത ഉൽപ്പന്നങ്ങളിൽനിന്ന് കമ്പനികൾ ഉണ്ടാക്കുന്ന ലാഭത്തിൽ ഒരുപങ്ക് കർഷകന് അവകാശപ്പെട്ടതാണ്‌. ഇതെല്ലാം ഇല്ലാതാക്കുന്നതാണ്‌ പുതിയ നയംമാറ്റമെന്നും മന്ത്രി പറഞ്ഞു.

വെറ്ററിനറി അസോസിയേഷൻ സംസ്ഥാന പ്രസിഡന്റ് ഡോ. എം കെ പ്രദീപ് കുമാർ അധ്യക്ഷനായി. പി ബാലചന്ദ്രൻ എംഎൽഎ മുഖ്യാതിഥിയായി. വെറ്ററിനറി സർവകലാശാലാ വൈസ് ചാൻസലർ ഡോ. എം ആർ ശശീന്ദ്രനാഥ്, മൃഗസംരക്ഷണ അഡീഷണൽ ഡയറക്ടർ ഡോ. എസ് എം സാബു, വെറ്ററിനറി കൗൺസിൽ പ്രസിഡന്റ് ഡോ. വി എം ഹാരിസ്, ഐവിഎ സംസ്ഥാന ജനറൽ സെക്രട്ടറി ഡോ. വി കെ പി മോഹൻകുമാർ എന്നിവർ സംസാരിച്ചു.

സംസ്ഥാനത്തെ മികച്ച വെറ്ററിനറി ഡോക്ടറായി തെരഞ്ഞെടുക്കപ്പെട്ട ഡോ. പി കെ ശിഹാബുദ്ദീൻ (കോഴിക്കോട്), മികച്ച യുവഡോക്ടറായ ഡോ. ജിനു കെ ജോൺ ( മലപ്പുറം) എന്നിവർക്ക് മന്ത്രി പുരസ്‌കാരം സമ്മാനിച്ചു. സംഘടനാതലത്തിലുള്ള അവാർഡുകളും വിതരണം ചെയ്തു. ഭാരവാഹികൾ: ഡോ. എം കെ പ്രദീപ്കുമാർ (പ്രസിഡന്റ്‌), ഡോ. ഇർഷാദ്‌(ജനറൽ സെക്രട്ടറി), ഡോ. വി കെ പി മോഹൻകുമാർ (ട്രഷറർ).

Related posts

75 സ്‌കൂൾ കെട്ടിടങ്ങൾ 30നു നാടിനു സമർപ്പിക്കും

Aswathi Kottiyoor

ഡെ​ങ്കു വൈ​റ​സ് വ്യാ​പ​ന​ത്തെ​ക്കു​റി​ച്ച് കേ​ര​ളം ഉ​ൾ​പ്പ​ടെ​യു​ള്ള സം​സ്ഥാ​ന​ങ്ങ​ൾ​ക്ക് കേ​ന്ദ്ര​ത്തി​ന്‍റെ മു​ന്ന​റി​യി​പ്പ്.

Aswathi Kottiyoor

വർണാഭമായി പ്രവേശനോത്സവം; 43 ലക്ഷം വിദ്യാർഥികൾ വിദ്യാലയമുറ്റത്തെത്തി

Aswathi Kottiyoor
WordPress Image Lightbox