23 C
Iritty, IN
February 27, 2024
  • Home
  • Kerala
  • ജനറൽ എം എം നരവാനെ സംയുക്ത സൈനിക മേധാവിയായേക്കും .
Kerala

ജനറൽ എം എം നരവാനെ സംയുക്ത സൈനിക മേധാവിയായേക്കും .

അടുത്ത സംയുക്ത സൈനിക മേധാവിയായി കരസേനാ മേധാവി ജനറൽ മനോജ്‌ മുകുന്ദ്‌ നരവാനെയെ പരിഗണിക്കുമെന്ന്‌ സൂചന. 2022 ഏപ്രിൽ വരെയാണ്‌ കരസേനാ മേധാവിയായി എം എം നരവാനെയ്‌ക്ക്‌ ചുമതലയുള്ളത്‌. ഇക്കാര്യത്തിൽ പത്ത്‌ ദിവസത്തിനുള്ളിൽ തീരുമാനമുണ്ടാകുമെന്നാണ്‌ റിപ്പോർട്ടുകൾ. പ്രധാനമന്ത്രി നരേന്ദ്ര മോദിയുടെ അധ്യക്ഷതയിൽ ബുധനാഴ്‌ച ചേർന്ന സുരക്ഷാ കാര്യങ്ങൾക്കായുള്ള മന്ത്രിസഭാ സമതിയോഗം ഇക്കാര്യം ചർച്ച ചെയ്‌തതായും സ്ഥിരീകരിക്കാത്ത റിപ്പോർട്ടുകളുണ്ട്‌.

കാർഗിൽ യുദ്ധത്തിനു പിന്നാലെയാണ്‌ സിഡിഎസ്‌ പദവി ഉണ്ടാക്കണമെന്ന്‌ വിദഗ്‌ധസമിതി ശുപാർശ ചെയ്‌തത്‌. സൈനികവിഷയങ്ങളിൽ കേന്ദ്ര സർക്കാരിന്റെ സിംഗിൾ പോയിന്റ്‌ അഡ്വസൈറാണ്‌ സംയുക്തസേനാ മേധാവി (സിഡിഎസ്‌). മൂന്ന്‌ സേനാ വിഭാഗത്തെയും ഏകോപിപ്പിക്കുക, പ്രതിരോധമന്ത്രാലയത്തിന്‌ നിർണായക ഉപദേശങ്ങൾ നൽകുക, ആയുധസംഭരണ നടപടിക്രമം രൂപീകരിക്കുക തുടങ്ങിയ സുപ്രധാന ചുമതലകളാണ്‌ ബിപിൻ റാവത്ത്‌ വഹിച്ചിരുന്നത്‌. ചൈനയുമായും പാക്കിസ്ഥാനുമായും അതിർത്തിയിൽ പ്രശ്‌നങ്ങൾ നിലനിൽക്കുന്ന ഘട്ടത്തിൽ ബിപിൻ റാവത്തിന്റെ പിൻഗാമിയെ ഉടൻ തീരുമാനിക്കാനാണ്‌ കേന്ദ്രത്തിന്റെയും താൽപര്യമെന്നാണ്‌ വിവരം.

2019 ഡിസംബര്‍ 31നാണ് ബിപിന്‍ റാവത്തിന്റെ പിന്‍ഗാമിയായി മനോജ് മുകുന്ദ് നരവാനെ ഇന്ത്യന്‍ കരസേന മേധാവിയായി ചുമതലയേറ്റത്. അതിനു മുമ്പ്‌ ചൈനയുമായുള്ള അതിർത്തി സംരക്ഷിക്കുന്ന കിഴക്കൻ കമാൻഡന്റിനെ അദ്ദേഹം നയിച്ചിരുന്നു. കശ്‌മീരിലും കിഴക്കൻ സംസ്ഥാനങ്ങളിലും ഭീകരവിരുദ്ധനീക്കങ്ങൾക്ക്‌ നേതൃത്വം നൽകിയിട്ടുണ്ട്‌. ധീരതയ്‌ക്കുള്ള സേനാ പുരസ്‌കാരവും വിശിഷ്‌ഠസേവാ പുരസ്‌കാരവും നേടിയിട്ടുണ്ട്.

മ്യാൻമറിൽ ഇന്ത്യന്‍ എംബസിയില്‍ ഡിഫന്‍സ് അറ്റാഷെയായും നരവാനെ സേവനം അനുഷ്‌ഠിച്ചിട്ടുണ്ട്. ഓപ്പറേഷന്‍ പവന്‍ എന്ന് പേരിട്ട ശ്രീലങ്കയിലെ ഇന്ത്യന്‍ സൈനിക ദൗത്യത്തിന്റെ ഭാഗമായും അദ്ദേഹം പ്രവർത്തിച്ചിട്ടുണ്ട്. ജമ്മു കശ്‌മീരിലെ സൈനികസേവനത്തിന് സേനാ പുരസ്‌കാരം നേടിയ നരവാനെ നാഗാലാന്‍ഡിലെയും ആസാം റൈഫിള്‍സിലെയും സേവനത്തിന് വിശിഷ്‌ഠ സേവാ പുരസ്‌കാരവും നേടി.

മഹാരാഷ്ട്രയിലെ പുണെ സ്വദേശിയായ നരവാനെ 1980 ജൂണില്‍ 20ാം വയസിലാണ് സൈന്യത്തിന്റെ ഭാഗമായത്. കരസേനാ മേധാവി പദവിയിലെത്തുന്നതിന് മുമ്പ്‌ കരസേനാ ഉപമേധാവി പദവിയും അദ്ദേഹം വഹിച്ചിരുന്നു.

Related posts

ഓൺലൈൻ സേവനങ്ങൾ വേഗത്തിലാക്കും: മന്ത്രി ആന്റണി രാജു

Aswathi Kottiyoor

സിനിമ മേഖലയിലെ ലഹരി ഉപയോഗം സർക്കാർ ഗൗരവത്തോടെ കാണും: വിലക്ക് മുന്നോട്ട് പോകട്ടെയെന്ന് മന്ത്രി സജി ചെറിയാൻ

Aswathi Kottiyoor

ദിലീപിന് തിരിച്ചടി; തുടരന്വേഷണം തടയണമെന്ന ഹരജി ഹൈകോടതി തള്ളി

Aswathi Kottiyoor
WordPress Image Lightbox