കണ്ണൂർ: ജില്ലാ ആശുപത്രിയില് നിര്മിക്കുന്ന സ്ത്രീകളുടെയും കുട്ടികളുടെയും എമര്ജന്സി യൂണിറ്റിന്റെ പ്രവൃത്തി ഉദ്ഘാടനം മന്ത്രി എം.വി. ഗോവിന്ദൻ നിര്വഹിച്ചു.
കണ്ണൂരിലെ ഏറ്റവും മികച്ച ആശുപത്രിയായി ജില്ലാ ആശുപത്രി ഉയര്ന്നു വരികയാണെന്ന് മന്ത്രി പറഞ്ഞു. തദ്ദേശ സ്ഥാപനങ്ങള്ക്ക് ആശുപത്രികള്ക്ക് കൈമാറിയാല് എന്തായിരിക്കും അവസ്ഥ എന്ന് ചിന്തിച്ചിരുന്ന ഒരു കാലം കുറച്ച് മുമ്പ് വരെ ഉണ്ടായിരുന്നു. എന്നാല് ജില്ലാ പഞ്ചായത്ത് മികച്ച പ്രവര്ത്തനം നടത്തി വരികയാണെന്നും മന്ത്രി പറഞ്ഞു.
രാമചന്ദ്രന് കടന്നപ്പള്ളി എംഎല്എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് പി.പി. ദിവ്യ, വൈസ് പ്രസിഡന്റ് ബിനോയ് കുര്യന്, സ്ഥിരം സമിതി അധ്യക്ഷന്മാരായ കെ.കെ. രത്നകുമാരി, വി.കെ. സുരേഷ്ബാബു, യു.പി. ശോഭ, ടി. സരള, അംഗം തോമസ് വക്കത്താനം, എന്.പി. ശ്രീധരന്, സെക്രട്ടറി വി. ചന്ദ്രന്, ഡിഎംഒ ഡോ. കെ. നാരായണ നായക്, എന്എച്ച്എം ജില്ലാ പ്രോഗ്രാം മാനേജര് ഡോ. പി.കെ. അനില്കുമാര് തുടങ്ങിയവര് പങ്കെടുത്തു.
previous post