വായുമലിനീകരണം രൂക്ഷമായതിനെ തുടർന്ന അടച്ചിട്ട ഡൽഹിയിലെ സ്കൂളുകളും കോളജുകളും തിങ്കളാഴ്ച മുതൽ സാധാരണ പോലെ തുറക്കും. വിദ്യാഭ്യാസ സ്ഥാപനങ്ങൾ, ഇൻസ്റ്റിറ്റ്യൂട്ടുകൾ, ലൈബ്രറികൾ തുടങ്ങിയവയെല്ലാം തിങ്കളാഴ്ച തുറക്കും.
കൊറോണ വൈറസ് ബാധയെ തുർന്നു 20 മാസം അടച്ചിട്ട ഡൽഹിയിലെ വിദ്യാലയങ്ങൾ ഈ മാസം ഒന്നു മുതലാണു തുറന്നതെങ്കിലും 15ന് വീണ്ടും അടച്ചിടുകയായിരുന്നു. പ്രകൃതിവാതകം, ഇലട്രിക് എന്നിവ ഒഴികെയുള്ള എല്ലാ ലോറികളും ഡിസംബർ മൂന്നു വരെ ഡൽഹിയിൽ പ്രവേശിക്കുന്നതിനു വിലക്കിയെന്നും ഡൽഹി പരിസ്ഥിതി മന്ത്രി ഗോപാൽ റായി അറിയിച്ചു.
അവശ്യസാധനങ്ങളെ മാത്രം വിലക്കിൽ നിന്നു ഒഴിവാക്കിയിട്ടുണ്ട്. ഡൽഹിയിലെ നിർമാണ വിലക്കുകളും നീക്കി. വീട്ടിൽ നിന്നു ജോലി ചെയ്യുന്ന ഡൽഹി സർക്കാർ ജീവനക്കാരും തിങ്കളാഴ്ച മുതൽ ഓഫീസിലെത്തണമെന്നു ഡൽഹി സർക്കാർ അറിയിച്ചു.