കാക്കയങ്ങാട്:എടത്തൊട്ടിയില്‍ നിര്‍ത്തിയിട്ട കാറില്‍ മറ്റൊരു കാറിടിച്ച് അപകടം. എടയാര്‍ സ്വദേശികള്‍ സഞ്ചരിച്ച കാര്‍, റോഡരികില്‍ നിര്‍ത്തിയിട്ട തില്ലങ്കേരി ആലാച്ചി സ്വദേശിയുടെ കാറില്‍ ഇടിച്ചാണ് അപകടമുണ്ടായത്. അപകടത്തില്‍ ഇരു വാഹനത്തിന്റെയും മുന്‍ഭാഗം തകര്‍ന്നു.കനത്ത മഴയില്‍ ബ്രേക്ക് ചെയ്തപ്പോള്‍ നിയന്ത്രണം നഷ്ടപ്പെട്ടാണ് റോഡരികില്‍ നിര്‍ത്തിയിട്ട കാറില്‍ ഇടിച്ച് അപകടമുണ്ടായത്. അപകടത്തെ തുടര്‍ന്ന് പേരാവൂര്‍ കാക്കയങ്ങാട് റോഡില്‍ അല്‍പസമയം ഗതാഗതം തടസപ്പെട്ടു.അപകടത്തില്‍ ആര്‍ക്കും പരിക്കില്ല
എടത്തൊട്ടിയില്‍ വാഹനാപകടം
