സംസ്ഥാനത്ത് പുതിയ മദ്യഷാപ്പുകൾ തുറക്കാനുള്ള സർക്കാർ തീരുമാനം ഉപേക്ഷിക്കണമെന്നും പെട്രോൾ ഡീസൽ വില കുറയ്ക്കാൻ അടിയന്തര നടപടികൾ സ്വീകരിക്കണമെന്നും കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ അയ്യൻകുന്ന് മണ്ഡലം സമ്മേളനം ആവശ്യപ്പെട്ടു. ഡിഎ, പെൻഷൻ കുടിശിക ഉടൻ അനുവദിക്കണമെന്നും സമ്മേളനം പ്രമേയത്തിലൂടെ ആവശ്യപ്പെട്ടു. അയ്യൻകുന്ന് പഞ്ചായത്ത് പ്രസിഡന്റ് കുര്യാച്ചൻ പൈമ്പള്ളിക്കുന്നേൽ ഉദ്ഘാടനം ചെയ്തു. വത്സമ്മ മണ്ണാപറമ്പിൽ അധ്യക്ഷത വഹിച്ചു.
അസോസിയേഷൻ സംസ്ഥാന സെക്രട്ടറി പി.സി. വർഗീസ് മുഖ്യപ്രഭാഷണം നടത്തി. സംസ്ഥാന എക്സിക്യൂട്ടീവ് അംഗം എം.ജി. ജോസ്, കെ.സി. ചാക്കോ, സണ്ണി പട്ടമന, കുഞ്ഞനന്തൻ, കെ.യു. ത്രേസ്യാമ്മ, മനോജ് എം. കണ്ടത്തിൽ, ജോസ് സൈമൺ, മാത്യു തറയിൽ എന്നിവർ പ്രസംഗിച്ചു. ഭാരവാഹികൾ: അഗസ്റ്റിൻ ജോസഫ്-പ്രസിഡന്റ്, ആന്റണി മേൽവെട്ടം-സെക്രട്ടറി, മേഴ്സി മരിയ, പി.വി. സണ്ണി-വൈസ് പ്രസിഡന്റുമാർ, ലീലാമ്മ മാത്യു, ജോയിക്കുട്ടി ജോസഫ്-ജോയിന്റ് സെക്രട്ടറിമാർ, കെ.എസ്. വർക്കി-ട്രഷറർ. വനിതാ ഫോറം പ്രസിഡന്റായി വത്സമ്മ ജോർജിനെയും സെക്രട്ടറിയായി കെ.യു ത്രേസ്യാമ്മയെയും കെ. ലിസി ജോണിനെ ട്രഷററായും തെരഞ്ഞെടുത്തു.