കണ്ണൂർ: ഇന്ധന വിലവർധനവിന് ആനുപാതികമായി ഓട്ടോറിക്ഷ ചാർജ് വർധിപ്പിക്കാത്ത സർക്കാർ നിലപാടിനെ ചോദ്യം ചെയ്ത് സ്വതന്ത്ര ഓട്ടോറിക്ഷ തൊഴിലാളി യൂണിയൻ നൽകിയ ഹർജി പരിഗണിച്ച ഹൈക്കോടതി ഇക്കാര്യത്തിൽ വിശദീകരണമാവശ്യപ്പെട്ട് സർക്കാരിന് നോട്ടീസയച്ചു. യൂണിയൻ കണ്ണൂർ ജില്ലാ സെക്രട്ടറി എൻ. ലക്ഷ്മണൻ ഹൈക്കോടതിയിൽ നൽകിയ റിട്ട് ഹർജിയിലാണ് നടപടി.
2018ൽ ഓട്ടോറിക്ഷ ചാർജ് പരിഷ്കരിക്കുമ്പോൾ പെട്രോൾ -ഡീസൽ വില ലിറ്ററിന് യഥാക്രമം 71 രൂപയും 63 രൂപയുമായിരുന്നു. എന്നാൽ നിലവിലെ വർധനവിന് ആനുപാതികമായി ഓട്ടോറിക്ഷ ചാർജ് വർധിപ്പിക്കാതെ ഓട്ടോ തൊഴിലാളികൾക്ക് ഒരുതരത്തിലും തൊഴിലെടുത്ത് മുന്നോട്ടുപോകാൻ കഴിയാത്ത സാഹചര്യമാണ് നിലനിൽക്കുന്നതെന്ന് യൂണിയൻ കോടതിയിൽ നൽകിയ ഹർജിയിൽ ചൂണ്ടിക്കാട്ടി.
ഓട്ടോചാർജ് വർധന ; ഹൈക്കോടതി വിശദീകരണം തേടി
