പടിയൂർ: സംസ്ഥാനത്തെ ആദ്യത്തെ സിന്തറ്റിക്ക് നാപ്കിൻ ഫ്രീ പഞ്ചായത്ത് ആകുന്നതിന്റ ഭാഗമായി പടിയൂർ പഞ്ചായത്തിൽ ശില്പശാല സംഘടിപ്പിച്ചു. പടിയൂർ ഗവ. ഹയർ സെക്കൻഡറി സ്കൂളിൽ നടന്ന ചടങ്ങ് ഇരിക്കൂർ ബ്ലോക്ക് പഞ്ചായത്ത് പ്രസിഡന്റ് റോബർട്ട് ജോർജ് ഉദ്ഘാടനം ചെയ്തു.
സിന്തറ്റിക്ക് നാപ്കിനുകളുടെ ഉപയോഗം ആരോഗ്യ ശുചിത്വ മേഖലകളിൽ പ്രശ്നങ്ങൾ സൃഷ്ടിക്കുന്നുണ്ടെന്ന പഠനങ്ങളുടെ അടിസ്ഥാനത്തിലാണ് സിന്തറ്റിക് നാപ്കിനുകളുടെ ഉപയോഗം കുറച്ചു കൊണ്ടുവരിക എന്ന ആശയം രൂപപ്പെടാനിടയാക്കിയത്. ജൈവ വസ്തുക്കൾ കൊണ്ട് നിർമിതമായവയും പുനരുപയോഗിക്കാൻ കഴിയുന്നതുമായ നാപ്കിനുകൾ പ്രോത്സാഹിപ്പിക്കുക എന്ന ലക്ഷ്യമാണ് സിന്തറ്റിക് നാപ്കിൻ ഫ്രീ പഞ്ചായത്ത് എന്ന പദ്ധതിയിൽ കൂടി വിഭാവനം ചെയ്യുന്നത്. കേരള സംസ്ഥാനത്തു തന്നെ ആദ്യത്തെ ഈ സംരഭം ആരംഭിക്കുന്നത് പടിയൂർ പഞ്ചായത്തിലാണ്. ഈ ലക്ഷ്യ പൂർത്തീകരണത്തിന്റെ ഭാഗമായാണ് ശില്പശാല സംഘടിപ്പിച്ചത്.
പടിയൂർ കല്യാട് പഞ്ചായത്ത് പ്രസിഡന്റ് ബി. ഷംസുദ്ദീൻ അധ്യക്ഷനായി.ഹരിത കേരള മിഷൻ ജില്ലാ കോ- ഓഡിനേറ്റർ ഇ.കെ. സോമശേഖരൻ പദ്ധതി രേഖ പ്രകാശനം ചെയ്തു. പഞ്ചായത്ത് സെക്രട്ടറി കെ. സുരേഷ് ബാബു, ആർ. മിനി, കെ.വി. തങ്കമണി, കെ. രാകേഷ്, കെ. അനിത ,സി.വി.എൻ. യാസിറ , നിഷ മോൾ, സിനി സന്തോഷ്, കെ .കെ. സുനിത, കെ. ശോഭന, രാഖീ രവീന്ദ്രൻ, കെ. സഹദേൻ, കെ.വി. രമ, ദീപ തോമസ്, എം. സെമീന, റീമ ആനന്ദ്, സിബി കാവനാൽ, ലൂസി ശിവദാസ് എന്നിവർ പ്രസംഗിച്ചു