പ​യ്യാ​വൂ​ർ പോ​ലീ​സ് സ്‌​റ്റേ​ഷ​ന് ശാ​പ​മോ​ക്ഷം;ഇ​ന്ന് മു​ത​ൽ പോ​ലീ​സ് സ്റ്റേ​ഷ​ൻ പുതിയ കെട്ടിടത്തിൽ

ഒ​ടു​വി​ൽ പ​യ്യാ​വൂ​ർ പോ​ലീ​സ് സ്‌​റ്റേ​ഷ​ന് ശാ​പ​മോ​ക്ഷം. മാ​സ​ങ്ങ​ൾ നീ​ണ്ട കാ​ത്തി​രി​പ്പി​നൊ​ടു​വി​ൽ ഇ​ന്ന് മു​ത​ൽ പോ​ലീ​സ് സ്റ്റേ​ഷ​ൻ ക​ണ്ട​ക​ശേ​രി​യി​ലെ പു​തി​യ കെ​ട്ടി​ട​ത്തി​ലേ​ക്ക് മാ​റും. ക​ഴി​ഞ്ഞ ഫെ​ബ്രു​വ​രി 18 നാ​ണ് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ വീ​ഡി​യോ കോ​ൺ​ഫ​റ​ൻ​സി​ലൂ​ടെ കെ​ട്ടി​ടം ഉ​ദ്ഘാ​ട​നം ചെ​യ്ത​ത്.

ഉ​ദ്ഘാ​ട​നം ക​ഴി​ഞ്ഞ് മാ​സ​ങ്ങ​ൾ ക​ഴി​ഞ്ഞി​ട്ടും പോ​ലീ​സ് സ്റ്റേ​ഷ​ൻ പ​ഴ​യ കെ​ട്ടി​ട​ത്തി​ൽ ത​ന്നെ തു​ട​രു​ന്ന​തി​നെ​തി​രേ പോ​ലീ​സു​കാ​ർ​ക്കി​ട​യി​ൽ നി​ന്നും സം​ഘ​ട​ന​യി​ൽ നി​ന്നും പ്ര​തി​ഷേ​ധ​മു​യ​ർ​ന്നി​രു​ന്നു. ക​ഴി​ഞ്ഞ വേ​ന​ലി​ൽ ഉ​ദ്ഘാ​ട​നം ന​ട​ത്തി​യി​ട്ടും ഈ ​മ​ഴ​ക്കാ​ല​ത്തും ചോ​ർ​ന്നൊ​ലി​ക്കു​ന്ന പ​ഴ​യ കെ​ട്ടി​ട​ത്തി​ൽ ത​ന്നെ ജോ​ലി നോ​ക്കേ​ണ്ട ഗ​തി​കേ​ടി​ലാ​യി​രു​ന്നു പോ​ലീ​സു​കാ​ർ.

കെ​ട്ടി​ടം നി​ർ​മാ​ണം ന​ട​ത്തി​യ ക​രാ​ർ ക​മ്പ​നി​ക്ക് സ​ർ​ക്കാ​ർ പ​ണം ന​ൽ​കാ​ൻ വൈ​കി​യ​താ​ണ് സ്റ്റേ​ഷ​ൻ മാ​റ്റ​ത്തി​ന് പ്ര​ധാ​ന ത​ട​സ​മാ​യി​രു​ന്ന​ത്. ഇ​ത് കാ​ര​ണം പോ​ലീ​സ് സ്റ്റേ​ഷ​ൻ പു​തി​യ കെ​ട്ടി​ട​ത്തി​ലേ​ക്ക് മാ​റു​ന്ന​തു​മാ​യി ബ​ന്ധ​പ്പെ​ട്ട് ഗ​സ​റ്റി​ൽ വി​ജ്ഞാ​പ​ന​മി​റ​ക്കാ​നും ക​ഴി​ഞ്ഞി​ല്ല.

ന​ട​പ​ടി​ക്ര​മ​ങ്ങ​ളെ​ല്ലാം പൂ​ർ​ത്തി​യാ​ക്കി​യ ശേ​ഷ​മാ​ണ് ഇ​ന്ന് പോ​ലീ​സ് സ്റ്റേ​ഷ​ൻ പു​തി​യ കെ​ട്ടി​ട​ത്തി​ലേ​ക്ക് മാ​റു​ന്ന​ത്. ക​ണ്ട​ക​ശേ​രി പ​ള​ളി പു​ഴ​യോ​ര​ത്ത് സൗ​ജ​ന്യ​മാ​യി ന​ൽ​കി​യ 35 സെ​ന്‍റ് സ്ഥ​ല​ത്താ​ണ് പോ​ലീ​സ് സ്റ്റേ​ഷ​ൻ നി​ർ​മി​ച്ചി​ട്ടു​ള്ള​ത്.

ഒ​രു കോ​ടി രൂ​പ ചെ​ല​വി​ൽ ഹെ​ബി​റ്റാ​റ്റാ​ണ് നി​ർ​മാ​ണം ന​ട​ത്തി​യ​ത്. ര​ണ്ട് നി​ല​ക​ളാ​യി നി​ർ​മി​ച്ച കെ​ട്ടി​ട​ത്തി​ൽ വി​ശ്ര​മ​മു​റി, ക​മ്പ്യൂ​ട്ട​ർ റൂം, ​റെ​ക്കോ​ർ​ഡ് റൂം, ​സ്ത്രീ, പു​രു​ഷ, ട്രാ​ൻ​സ്ജെ​ൻ​ഡ​ർ പ്ര​തി​ക​ളെ സൂ​ക്ഷി​ക്കാ​നു​ള്ള മൂ​ന്ന് സെ​ൽ ഉ​ൾ​പ്പെ​ടെ സൗ​ക​ര്യ​ങ്ങ​ളു​മു​ണ്ട്.

സ്റ്റേ​ഷ​ൻ ഹൗ​സ് ഓ​ഫീ​സ​റും എ​സ്ഐ​യും നാ​ല് വ​നി​താ പോ​ലീ​സു​കാ​രും ഉ​ൾ​പ്പെ​ടെ 36 പേ​രാ​ണ് സ്റ്റേ​ഷ​നി​ലു​ള്ള​ത്.