മാഹി: മാഹി സെന്റ് തെരേസാസ് തീർഥാടനകേന്ദ്രത്തിൽ പ്രധാന തിരുനാൾ നാളെയും വെള്ളിയാഴ്ചയും ആഘോഷിക്കും.
തിരുനാൾ ജാഗര ദിവസമായ നാളെ വൈകുന്നേരം ആറിന് കൊല്ലം രൂപത ബിഷപ് ഡോ. പോൾ മുല്ലശേരിയുടെ കാർമികത്വത്തിൽ ദിവ്യബലി നടക്കും. തുടർന്ന് രാത്രി എട്ടിന് വിശുദ്ധ അമ്മത്രേസ്യയുടെ തിരുസ്വരൂപം വഹിച്ചുകൊണ്ടുള്ള നഗരപ്രദക്ഷിണം. പ്രധാന വീഥികളിലൂടെ സഞ്ചരിച്ച് രാത്രി 12ന് പ്രദക്ഷിണം ദേവാലയത്തിൽ തിരിച്ചെത്തും.
വെള്ളിയാഴ്ച രാവിലെ 10.30 ന് കോഴിക്കോട് ബിഷപ് ഡോ.വർഗീസ് ചക്കാലയ്ക്കലിന്റെ കാർമികത്വത്തിൽ ദിവ്യബലി നടക്കും. അന്നേദിവസം പുലർച്ചെ നടക്കേണ്ട ഉരുളൽ നേർച്ച, ഉച്ചകഴിഞ്ഞുള്ള മതമൈത്രീ സമ്മേളനം എന്നിവ കോവിഡ് സാഹചര്യത്തിൽ ഇക്കുറി ഉണ്ടായിരിക്കില്ല.
വിശ്വാസികൾക്ക് തിരുസ്വരൂപത്തിൽ പൂമാലകൾ ചാർത്തുവാനും അനുവാദമില്ല. ഇന്ന് വൈകുന്നേരം ആറിന് നടക്കുന്ന ദിവ്യബലിക്ക് കോഴിക്കോട് രൂപത വികാരി ജനറാൾ മോൺ. ജെൻസൺ കാർമികത്വം വഹിക്കും. തിരുനാൾ 22ന് സമാപിക്കും.
previous post