കോവിഡ് സ്ഥിരീകരിക്കാനുള്ള ആര്‍ടിപിസിആര്‍ ടെസ്റ്റിന്‍റെ നിരക്ക് 500 രൂപയാക്കി കുറച്ച സര്‍ക്കാര്‍ ഉത്തരവ് ഹൈക്കോടതി റദ്ദാക്കി.
1,700 രൂപയില്‍നിന്ന് 500 രൂപയാക്കിയതു ചോദ്യം ചെയ്ത് തിരുവനന്തപുരം ദേവി സ്‌കാന്‍സ് ഉള്‍പ്പെടെയുള്ള ലാബുകളുടെ ഹര്‍ജിയിലാണ് സിംഗിള്‍ ബെഞ്ച് വിധി.
ലാബുടമകളുമായി ആലോചിച്ച് പുതിയ നിരക്ക് നിശ്ചയിക്കാനും ജസ്റ്റീസ് ടി.ആര്‍. രവി സര്‍ക്കാരിന് നിര്‍ദേശം നല്‍കി. നിരക്ക് കുറച്ച ഏപ്രില്‍ 30 ലെ സര്‍ക്കാര്‍ ഉത്തരവിനു പുറമേ ഇതു പാലിക്കാത്ത ലാബുകള്‍ക്കെതിരേ നടപടിയെടുക്കുമെന്ന മേയ് ഒന്നിലെ ഉത്തരവും റദ്ദാക്കി.