രാജ്യത്ത് കൽക്കരിയുടെ ലഭ്യതയിൽ വലിയ തോതിലുള്ള ഇടിവ് നേരിട്ടതിനാൽ പുറത്തുനിന്ന് കേരളത്തിന് ലഭിക്കേണ്ടിയിരുന്ന വൈദ്യുതിയിൽ വ്യാഴാഴ്ച വരെ 220 മെഗാവാട്ട് വൈദ്യുതിയുടെ കുറവുണ്ടാകും.
കുറവ് പരിഹരിക്കാനുള്ള ശ്രമം നടക്കുന്നതായി വൈദ്യുതി വൈദ്യുതി ബോർഡ് അറിയിച്ചു.
വൈകുന്നേരം 6.30 മുതൽ രാത്രി 11 വരെ വൈദ്യുതി കരുതലോടെ ഉപയോഗിക്കണമെന്നും കൂടുതൽ വൈദ്യുതി ആവശ്യം വരുന്ന ഹീറ്റർ, മിക്സി, ഓവൻ, അയണ്‍, വാഷിംഗ് മെഷീൻ തുടങ്ങിയ ഉപകരണങ്ങളുടെ ഉപയോഗം ഈ സമയത്ത് കഴിവതും ഒഴിവാക്കണമെന്നും വൈദ്യുതി ബോർഡ് അഭ്യർഥിച്ചു.
പീക് അവർ സമയത്ത് ഒരു യൂണിറ്റ് വൈദ്യുതിക്ക് 20 രൂപ വരെ നൽകിയാണ് കേന്ദ്ര പവർ എക്സ്ചേഞ്ചിൽ നിന്നു ലഭ്യമാക്കുന്നത്.