23 C
Iritty, IN
February 28, 2024
  • Home
  • Kerala
  • ഡെങ്കി 2 പുതിയ വകഭേദമല്ല, ആശങ്ക വേണ്ട: മന്ത്രി വീണാ ജോർജ്
Kerala

ഡെങ്കി 2 പുതിയ വകഭേദമല്ല, ആശങ്ക വേണ്ട: മന്ത്രി വീണാ ജോർജ്

ഡെങ്കി 2 പുതിയ വകഭേദമല്ലെന്നും ഡെങ്കിപ്പനി സംബന്ധിച്ച് ആശങ്ക വേണ്ടെന്നും മന്ത്രി വീണാ ജോർജ് പറഞ്ഞു. ഡെങ്കിപ്പനിയിൽ 1, 2, 3, 4 എന്നിങ്ങനെ വകഭേദങ്ങളുണ്ട്. കേരളമുൾപ്പെടെ എല്ലാ സംസ്ഥാനങ്ങളിലും ഈ 4 വകഭേദങ്ങളും റിപ്പോർട്ട് ചെയ്തിട്ടുണ്ട്. ഡെങ്കി 2 ബാധിതരിൽ ഗുരുതരാവസ്ഥ കൂടുതലാണ്. 2017ൽ ഡെങ്കി 2 റിപ്പോർട്ട് ചെയ്തിരുന്നുവെന്നു മന്ത്രി വ്യക്തമാക്കി.
സംസ്ഥാനത്തെ കോവിഡ് വാക്സിനേഷന്റെ ആദ്യ ഡോസ് 90 ശതമാനത്തോളമായതായും (89.84) മന്ത്രി അറിയിച്ചു. 2,39,95,651 പേർക്കാണ് ആദ്യ ഡോസ് നൽകിയത്. 37.35% പേർക്കു രണ്ടു ഡോസും (99,75,323) നൽകി. ഒന്നും രണ്ടും ഡോസ് ഉൾപ്പെടെ ആകെ 3,39,28,182 ഡോസ് വാക്സീൻ നൽകി. വാക്സീൻ എടുക്കാത്തവരിൽ മരണനിരക്ക് വളരെ കൂടുതലാണ്. 75% കോവിഡ് ബാധിതരിലും രോഗലക്ഷണങ്ങളില്ലെന്നും മന്ത്രി പറഞ്ഞു.

സ്കൂളുകൾ തുറക്കുന്നതു സംബന്ധിച്ച് ആരോഗ്യവകുപ്പും വിദ്യാഭ്യാസ വകുപ്പും മന്ത്രിമാരുടെ നേതൃത്വത്തിൽ യോഗം ചേർന്ന് മുന്നൊരുക്കങ്ങൾ വിലയിരുത്തും. അതിനു ശേഷം സ്കൂൾ തുറക്കുന്നതു സംബന്ധിച്ച മാർഗനിർദേശങ്ങൾ പുറത്തിറക്കും.

സിറോ പ്രിവലൻസ് സർവേ റിപ്പോർട്ടിന്റെ ഫലം ഈ മാസം അവസാനത്തോടെ എത്തും. അതു കൂടി വിലയിരുത്തിയായിരിക്കും നടപടികളെന്നും മന്ത്രി പറഞ്ഞു.

Related posts

ഇന്ന് 38,460 പേര്‍ക്ക് കോവിഡ്-19 സ്ഥിരീകരിച്ചു

ആർട്ടിസാൻസ്‌ യൂണിയൻ: പി കെ ഷാജൻ പ്രസിഡന്റ്‌, നെടുവത്തൂർ സുന്ദരേശൻ ജനറൽ സെക്രട്ടറി

Aswathi Kottiyoor

സ്വാതന്ത്ര്യ സമര പെൻഷൻ 3080 രൂപ കൂടും

Aswathi Kottiyoor
WordPress Image Lightbox