കണ്ണൂർ: പ്രതിസന്ധിയിലായ മാന്ത്രികർക്ക് സര്ക്കാര് പ്രത്യേക പാക്കേജ് അനുവദിക്കണമെന്നാവശ്യപ്പെട്ട് മലയാളി മജീഷ്യന്സ് അസോസിയേഷന് കളക്ടറേറ്റിന് മുന്നിൽ പ്രതിഷേധ സമരം നടത്തി. സെക്രട്ടറി വിനോദ് കണ്ണൂർ ഉദ്ഘാടനം ചെയ്തു. ഭാസ്കരന്, ദിനേശന് എന്നിവർ പങ്കെടുത്തു. വര്ഷങ്ങളായി സാംസ്കാരിക വകുപ്പ് മാന്ത്രികര്ക്ക് നല്കി വന്നിരുന്ന സറ്റേജ് ഷോ പുനഃസ്ഥാപിക്കണം, പരമ്പരാഗത ജാലവിദ്യക്കാരെയും തെരുവു ജ്വാല വിദ്യാക്കാരെയും സംരക്ഷിക്കുന്നതിന് സര്ക്കാര് പ്രത്യേക പാക്കേജ് അടിയന്തിരമായും നടപ്പിലാക്കണം തുടങ്ങിയ ആവശ്യങ്ങൾ ഉന്നയിച്ചായിരുന്നു പ്രതിഷേധ സമരം. കേരളത്തില് 200ലധികം പ്രൊഫഷണല് മാന്ത്രികരും രണ്ടായിരത്തിലധികം അമേച്വര് മാന്ത്രികരുമുണ്ട്. മാജിക് കൊണ്ട് മാത്രം ഉപജീവനം നടത്തുന്നതാണിവര്. ബാങ്ക് വായ്പയിലൂടെയും മറ്റും വാങ്ങിയ ഇവരുടെ വാഹനങ്ങള് ഉള്പ്പെടെയുള്ള ലക്ഷക്കണക്കിന് രൂപയുടെ ഉപകരണങ്ങള് വീണ്ടും ഉപയോഗിക്കാനാകാത്ത വിധം ഇതിനോടകം നശിച്ചു. പലരും കടക്കെണിയില്പെട്ട് ആത്മഹത്യയുടെ വക്കിലാണെന്നും സമരക്കാർ പറഞ്ഞു.