കേളകം: പ്രശസ്ത റഷ്യൻ എഴുത്തുകാരനും ചിന്തകനുമായിരുന്ന ലിയോ ടോൾസ്റ്റോയുടെ ജന്മദിനം കേളകം സെന്റ് തോമസ് ഹയർ സെക്കൻഡറി സ്കൂളിൽ ആചരിച്ചു. തലശ്ശേരി ബ്രണ്ണൻ കോളേജ് ഇംഗ്ലീഷ് പ്രൊഫസർ മാണി പി പി മുഖ്യാതിഥിയായിരുന്നു. അധ്യാപകനായ ജോബി ഏലിയാസ് ആമുഖ സന്ദേശം നൽകി.
ലിയോ ടോള്സ്റ്റോയി ദിനത്തോടനുബന്ധിച്ച് കുട്ടികളുടെ വിവിധ പരിപാടികൾ അരങ്ങേറി. ലിയോ ടോൾസ്റ്റോയുടെ കഥയെ പരിചയപ്പെടുത്തിക്കൊണ്ട് ഡിജിറ്റൽ പ്രസന്റേഷൻ, ടോൾസ്റ്റോയുടെ ജീവചരിത്രത്തിലൂടെ കടന്നുപോകുന്ന വീഡിയോ പ്രദർശനം എന്നിവ നടന്നു.
പരിപാടിയിൽ കുമാരി ആന് മരിയ വർഗീസ് പ്രാർത്ഥന ആലപിച്ചു. മാസ്റ്റര് ഗോഡ്വിൻ കെ എസ് നന്ദി അർപ്പിച്ചു. ഓണ്ലൈനായി നടന്ന പരിപാടികള്ക്ക് ഹെഡ്മാസ്റ്റർ എം വി മാത്യു, അധ്യാപകരായ കുസുമം പി എ, സോണി ഫ്രാൻസിസ് എന്നിവർ പരിപാടിക്ക് നേതൃത്വം നൽകി.