കണ്ണൂര്: റോഡപകടങ്ങള് കുറയ്ക്കാനും വര്ധിച്ചുവരുന്ന ട്രാഫിക് പ്രശ്നങ്ങള് പരിഹരിക്കുന്നതിനും നിയമലംഘനങ്ങള് കണ്ടെത്തുന്നതിനുമായി പൊതുജനങ്ങളുമായി സഹകരിച്ച് കണ്ണൂര് സിറ്റി പോലീസ് പദ്ധതി തയാറാക്കുന്നു.
ഇതിന്റെ ഭാഗമായി സിറ്റി പോലീസ് കമ്മീഷണര് ആർ. ഇളങ്കോയുടെ നിര്ദേശപ്രകാരം കണ്ണൂര് സിറ്റി പോലീസ് പരിധിയിലെ എല്ലാ പോലീസ് സ്റ്റേഷനുകളിലും അവലോകന യോഗങ്ങള് നടത്തി.
സിറ്റി പോലീസ് പരിധിയിലെ വിവിധ സ്ഥലങ്ങളില് സ്ഥാപിച്ചിട്ടുള്ള കേടുപാടുകള് സംഭവിച്ച സിസിടിവി കാമറകള് റിപ്പയര് ചെയ്യാനും പുതിയവ സ്ഥാപിക്കാനും ട്രാഫിക് നിയന്ത്രണങ്ങള്ക്കായി റോഡുകളില് ബാരിക്കേഡുകള്, കോണ്വെക്സ് മിറര്, ട്രാഫിക് ലൈറ്റ്, സൈന് ബോര്ഡുകള് തുടങ്ങിയവ സ്ഥാപിക്കാനും തീരുമാനമായി. ഇതിന്റെ ഭാഗമായി സർക്കാരിന്റെയും മര്ച്ചന്റ്സ് അസോസിയേഷനുകൾ, വ്യാപാരി വ്യവസായി സംഘടനകൾ, റസിഡന്സ് അസോസിയേഷനുകൾ എന്നിവയുടെയും സഹകരണത്തോടെ കണ്ണൂര് സിറ്റി പോലീസ് പരിധിയില് പുതിയ 112 സിസിടിവി കാമറകള് സ്ഥാപിക്കുകയും 184 കേടുപാടുകള് സംഭവിച്ച കാമറകള് റിപ്പയര് ചെയ്തു പുനഃസ്ഥാപിക്കുകയും ചെയ്തു.
യോഗത്തിൽ പൊതുമരാമത്ത് ഉദ്യോഗസ്ഥർ, മര്ച്ചന്റ്സ് അസോസിയേഷൻ ഭാരവാഹികൾ, വ്യാപാരി- വ്യവസായി സംഘടനാ പ്രതിനിധികൾ, റസിഡന്സ് അസോസിയേഷന് പ്രതിനിധികൾ എന്നിവർ പങ്കെടുത്തു.
previous post