വേങ്ങാട് എൽ.പി സ്കൂളിൽ നക്ഷത്ര വനം പദ്ധതിക്ക് തുടക്കമായി

വേങ്ങാട് എൽ.പി സ്കൂളിൽ നക്ഷത്ര വനം പദ്ധതിക്ക് തുടക്കമായി. ജില്ലാ സോഷ്യൻ ഫോറസ്ട്രി, പി.ടി.എ എന്നിവരുടെ നേതൃത്വത്തിലാണ് നക്ഷത്രവനം ഒരുക്കുന്നത്. സ്കൂൾ മാനേജ്മെന്റിന്റെ സഹകരണത്തോടെ 40 സെന്റ് സ്ഥലത്താണ് നക്ഷത്ര വനം നിർമിക്കുക. കാഞ്ഞിരം, പ്ലാവ്, മാവ്, നെല്ലി, അരയാൽ തുടങ്ങിയ 27 ഓളം മരങ്ങളാണ് നട്ടത്. നക്ഷത്രങ്ങളുമായി ബന്ധിപ്പിച്ചാണ് മരങ്ങളുടെ ക്രമീകരണം. പ്രദേശവാസികളും പി.ടി.എ ഭാരവാഹികളും ചേർന്നാണ് സംരക്ഷണമൊരുക്കുക. വേങ്ങാട് പഞ്ചായത്തംഗം പി.എം ബിജു ഉദ്ഘാടനം നിർവഹിച്ചു. പി.ടി.എ പ്രസിഡന്റ് വി.അനിൽ കുമാർ അദ്ധ്യക്ഷത വഹിച്ചു. പ്രധാനാദ്ധ്യാപിക പി.വി. ശുഭ, സിന്ധു വിനോദ്, പ്രശാന്ത് വേങ്ങാട്, രാജൻ വേങ്ങാട് എന്നിവർ സംസാരിച്ചു.