എടൂര്: ആറളം ഫാം പുനരധിവാസ മേഖലയിലെ വിദ്യാര്ഥികളെ വിദ്യാഭ്യാസത്തോടൊപ്പം തൊഴില് രംഗത്തേക്ക് കൊണ്ടുവരുന്നതിനായി കരിയര് ഗൈഡന്സ് ആൻഡ് കൗണ്സലിംഗ് സെന്റര് ആറളം ഫാം സ്കൂളില് പ്രവര്ത്തനം ആരംഭിച്ചു. 9 മുതല് 12 വരെയുള്ള ക്ലാസിലെ 80 കുട്ടികള്ക്കാണ് നാല് വര്ഷത്തോളം നീണ്ടുനില്ക്കുന്ന ഗൈഡന്സ് നല്കുന്നത്.
ആറളം ഫാമിലെ ആദിവാസി വിദ്യാര്ഥികളെ സമൂഹത്തിന്റെ മുഖ്യധാരയിലേക്ക് എത്തിക്കാന് ലക്ഷ്യമിട്ടാണ് പദ്ധതി നടപ്പിലാക്കുന്നത്. വിദ്യാര്ഥികളുടെ മാനസിക ശേഷി, താത്പര്യങ്ങള്, അഭിരുചി, കഴിവുകള് എന്നിവ കണ്ടെത്തി അതിനെ പ്രോത്സാഹിപ്പിക്കുകയാണ് മുഖ്യ ലക്ഷ്യം. ഇത്തരം കുട്ടികള്ക്ക് കരിയര് ഗൈഡന്സിലൂടെ അനുയോജ്യമായ കോഴ്സുകള് തിരഞ്ഞെടുക്കാനും,അതിലൂടെ തൊഴില് നേടിയെടുക്കാനും സഹായങ്ങള് നല്കുമെന്ന് ജില്ലാ കോ-ഓർഡിനേറ്റര് ആര്. റീജ പറഞ്ഞു. സ്കൂളിലും, ഫാമിലുമായി വിവിധ ദിവസങ്ങളിലൂടെ 40 ജീവനക്കാര് ആവശ്യമായ പ്രവര്ത്തനം നടത്തി വരുന്നുണ്ട്. പിന്നോക്ക ക്ഷേമ വികസന വകുപ്പാണ് പദ്ധതി നടപ്പിലാക്കുന്നത്.