ഓണാവധി ദിനങ്ങളില് തിരിച്ചടിയേറ്റ് സംസ്ഥാനത്തെ കൊവിഡ് പരിശോധനയും വാക്സിനേഷനും. പരിശോധന ഒരു ലക്ഷത്തിലും താഴ്ന്നതോടെ ടിപിആര് കുതിച്ചുയര്ന്നു. 30,000ല് താഴെ പേര്ക്ക് മാത്രമാണ് ഇന്നലെ വാക്സിന് നല്കാനായത്.
കൊവിഡ് ലക്ഷണമുള്ളവര് സ്വയം നിയന്ത്രണം പാലിച്ചും, പരിശോധനകള് കുത്തനെ കൂട്ടിയും തിരിച്ചടി മറികടക്കണമെന്നാണ് വിദഗ്ധ നിര്ദേശം.
ഈ മാസം മൂന്നിന് സംസ്ഥാനത്ത് നടത്തിയത് 1,99,500 പരിശോധനകളാണ്. ടിപിആര് 11.87 ശതമാനം. പിന്നീട് ഓരോദിവസവും കുറഞ്ഞ് ഇന്നലെ നടന്നത് വെറും 96,481 പരിശോധനകള് മാത്രം. ടിപിആര് 17.73 ആയി ഉയര്ന്നു. ഓണത്തിനുണ്ടായ തിരക്കും ഇതിലൂടെയുള്ള വ്യാപനവും കാരണം ഈ മാസം അവസാനം ഇനിയും ഉയരുമെന്നാണ് കണക്കാക്കിയിരിക്കുന്നത്.