പിഎസ്സി റാങ്ക് പട്ടിക ചുരുക്കുമെന്ന് മുഖ്യമന്ത്രി പിണറായി വിജയൻ. പിഎസ്സി റാങ്ക് പട്ടിക തയാറാക്കുന്ന രീതി മാറ്റും. ഒഴിവിന് ആനുപാതികമായി പട്ടിക തയാറാക്കുന്നത് പരിഗണനയിലാണെന്നും മുഖ്യമന്ത്രി പറഞ്ഞു.
നിലവിലുള്ള വ്യവസ്ഥ പ്രകാരം പ്രതീക്ഷിത ഒഴിവുകളേക്കാൾ മൂന്ന് മുതൽ അഞ്ചിരട്ടി വരെ ഉദ്യോഗാർഥികളെ ഉൾപ്പെടുത്തിയാണ് പിഎസ്സി റാങ്ക് ലിസ്റ്റുകൾ തയാറാക്കുന്നത്. റാങ്ക് ലിസ്റ്റിൽ ഉൾപ്പെട്ടവർക്കെല്ലാം ജോലി കിട്ടില്ല.
എന്നാൽ ഉദ്യോഗാർഥികൾ പലരും ചൂഷണങ്ങള്ക്കും അനഭിലഷണീയമായ പ്രവണതകള്ക്കും വിധേയരാകുന്നുവെന്ന് വ്യക്തമായതാണെന്നും അതിനാലാണ് റാങ്ക് പട്ടിക പ്രസിദ്ധീകരിക്കുന്ന രീതി പുനഃപരിശോധിക്കുന്ന കാര്യം പരിഗണിക്കുന്നതെന്നും നിയമസഭയിൽ എച്ച്. സലാമിന്റെ സബ്മിഷന് മറുപടിയായി മുഖ്യമന്ത്രി പിണറായി വിജയൻ വ്യക്തമാക്കി.