പേരാവൂർ താലൂക്കാസ്പത്രിയുടെ പഴയ കെട്ടിടങ്ങൾ പൊളിച്ചു മാറ്റാൻ തുടങ്ങി

പേരാവൂർ : 52 കോടിയുടെ കിഫ്ബി ഫണ്ടുപയോഗിച്ച് നവീകരിക്കുന്ന പേരാവൂർ താലൂക്കാസൂത്രിയുടെ പഴയ കെട്ടിടങ്ങൾ പൊളിച്ചു മാറ്റാൻ തുടങ്ങി.പഴയ ഒ.പി കെട്ടിടമാണ് നിലവിൽ പൊളിച്ചുമാറ്റുന്നത് . ഫാർമസിയും ഓഫീസും പ്രവർത്തിച്ച കെട്ടിടം സ്ത്രീകളുടെ വാർഡ് ,എക്സ്റെ വിഭാഗം ഉപയോഗശൂന്യമായ വാട്ടർ ടാങ്ക് എന്നിവയും ഒന്നാം ഘട്ടത്തിൽ പൊളിച്ചു മാറ്റും .അഞ്ചുനില കെട്ടിടത്തിന്റെ മൂന്ന് നിലകളാണ് ഒന്നാം ഘട്ടത്തിൽ നിർമ്മിക്കുക.ഒ.പി , ഐ.പി , അത്യാഹിത വിഭാഗം , ഫാർമസി , സ്നേക്ക് ബൈറ്റ് യൂണിറ്റ് ,ബ്ലഡ് സ്റ്റോറേജ് , ലേബർ റൂം , ട്രോമാകെയർ ഫിസിയോ തെറാപ്പി , ദന്താസ്പത്രി , മോർച്ചറി എന്നീ വിഭാഗങ്ങളാണ് ആദ്യഘട്ടത്തിൽ പൂർത്തീകരിക്കുക .കിഫ്ബി ഫണ്ടിന് പുറമെ , ദേശീയ ആരോഗ്യ ദൗത്യം ലക്ഷ്യ പദ്ധതിയുൾപ്പെടുത്തിയുള്ള വികസനപ്രവർത്തനങ്ങളും പേരാവൂർ താലൂക്കാസ്പത്രിക്ക് അനുവദിച്ചിട്ടുണ്ട് .2022 അവസാനത്തോടെ ആദ്യഘട്ട ഉദ്ഘാടനം നടത്താനുള്ള ശ്രമത്തിലാണ് അധികൃതർ