ഓണ്‍ലൈന്‍ പണം തട്ടിപ്പും മറ്റ് സൈബര്‍ കുറ്റകൃത്യങ്ങളും വര്‍ധിച്ചുവരുന്ന സാഹചര്യത്തില്‍ സൈബര്‍ ഇടങ്ങളിലെ ചതിക്കുഴികളില്‍പെട്ട് വഞ്ചിതരാകാതിരിക്കാന്‍ പൊതുജനങ്ങള്‍ അതിജാഗ്രത പുലര്‍ത്തണമെന്ന് തിരുവനന്തപുരം സിറ്റി പൊലീസ് കമീഷണര്‍ ബല്‍റാം കുമാര്‍ ഉപാധ്യായ അറിയിച്ചു.
വിവിധ സൈബര്‍ കുറ്റകൃത്യങ്ങള്‍ തടയുന്നതിനായി സിറ്റി പൊലീസ് സംഘടിപ്പിക്കുന്ന സൈബര്‍ ക്രൈം ബോധവത്കരണ മാസാചരണം ഉദ്ഘാടനം ചെയ്യുകയായിരുന്നു അദ്ദേഹം. സൈബര്‍ കുറ്റകൃത്യങ്ങളുമായി ബന്ധപ്പെട്ട് 359 പരാതികള്‍ കഴിഞ്ഞ ആറുമാസത്തിനിടക്ക് തിരുവനന്തപുരം സിറ്റി സൈബര്‍സെല്ലില്‍ മാത്രം റിപ്പോര്‍ട്ട് ചെയ്തിട്ടുണ്ട്.
ആയതിനാല്‍ ഓണ്‍ലൈന്‍ ഇടപാടുകള്‍ നടത്തുമ്ബോഴും സോഷ്യല്‍ മീഡിയ സൈറ്റുകള്‍ ഉപയോഗിക്കുമ്ബോഴും മറ്റ് ഇന്‍റര്‍നെറ്റ് സേവനങ്ങള്‍ ഉപയോഗിക്കുമ്ബോഴും താഴെ പറയുന്നവ ശ്രദ്ധിക്കണമെന്നും കമീഷണര്‍ അറിയിച്ചു.
ഫിഷിങ്
തട്ടിപ്പുകാര്‍, കാഴ്ചയില്‍ ഒറിജിനലിനെ പോലെ തോന്നുന്ന വെബ്സൈറ്റ് നിര്‍മിച്ച്‌ സെര്‍ച്ച്‌ എന്‍ജിനുകളില്‍ തിരയുമ്ബോള്‍ ആദ്യം കാണുന്ന രീതിയില്‍ സജ്ജീകരിക്കുന്നു.
ഇതില്‍ പൊതുജനങ്ങള്‍ സ്വീകരിക്കേണ്ട മുന്‍കരുതല്‍
1. അപരിചിത മൊബൈല്‍ നമ്ബറുകളില്‍ നിന്നോ SMS/ഇ-മെയില്‍ മുഖാന്തരമോ ലഭിക്കുന്ന ലിങ്കുകളില്‍ ക്ലിക്ക് ചെയ്യാതിരിക്കുക.
2. ധനകാര്യ ഇടപാടുകള്‍ ഓണ്‍ലൈന്‍ ആയി നടത്തുന്നതിനു മുമ്ബ് വിശ്വാസ്യത ഉറപ്പുവരുത്തുക.
3. വിവിധ ഷോപ്പിങ് സൈറ്റുകളുടെ ഓഫര്‍ വില്‍പനയുടെ പേരില്‍ വരുന്ന മെേസജുകളിലെ ലിങ്കുകളില്‍ ഒരിക്കലും ക്ലിക്ക് ചെയ്യാതിരിക്കുക.
വിഷിങ് കാളുകള്‍
ബാങ്കുകള്‍/കമ്ബനികള്‍/ഇന്‍ഷുറന്‍സ് ഏജന്‍റുമാര്‍/ഗവണ്‍മെന്‍റ് ഓഫിസര്‍ എന്നിങ്ങനെ സ്വയം പരിചയപ്പെടുത്തി കസ്റ്റമര്‍ സേവനങ്ങള്‍ക്കായെന്ന വ്യാജേന ആവശ്യമുള്ള രഹസ്യവിവരങ്ങള്‍ നമ്മളില്‍ നിന്നുതന്നെ കരസ്ഥമാക്കി അക്കൗണ്ടിലെ പണം അപഹരിക്കുന്നു.
സ്വീകരിക്കേണ്ട മുന്‍കരുതല്‍
1.ബാങ്കുകള്‍ / ധനകാര്യ സ്ഥാപനങ്ങള്‍ / മറ്റ് ആധികാരിക സംരംഭങ്ങള്‍ തുടങ്ങിയവ ഒരു കാരണവശാലും യൂസര്‍ നെയിം/ഒ.ടി.പി/പാസ്വേഡ്/കാര്‍ഡ് വിവരങ്ങള്‍/സി.വി.വി തുടങ്ങിയവ ചോദിക്കാറില്ല, അതിനാല്‍ ഇവ ആരുമായും ഫോണ്‍ മുഖാന്തരം പങ്കിടാതിരിക്കുക.
2. ഇത്തരത്തിലുള്ള സേവനങ്ങള്‍ ആവശ്യമുള്ളപക്ഷം നേരിട്ട് ബാങ്കില്‍ പോയി പരിഹരിക്കുക
ഇ-േകാമേഴ്സ് പ്ലാറ്റ്ഫോമുകള്‍
ഓണ്‍ലൈന്‍ പ്ലാറ്റ്ഫോമുകളില്‍ നിങ്ങള്‍ വില്‍പനക്കായി നല്‍കിയിരിക്കുന്ന സാധനങ്ങള്‍ വാങ്ങാനെന്ന വ്യാജേന നിങ്ങളെ ആളുകള്‍ സമീപിക്കുന്നു. തുടര്‍ന്ന് നിങ്ങള്‍ വിലപേശിയുറപ്പിക്കുന്ന വില യു.പി.ഐ ആപ്പുകളിലൂടെ നല്‍കാമെന്ന് പറഞ്ഞ് വിശ്വസിപ്പിക്കുകയും കൊറിയറായി അയക്കാനാവശ്യമുള്ള തുകയടക്കം മെസേജായി /ക്യു.ആര്‍ കോഡ് വരുകയും ചെയ്യുന്നു.
സ്വീകരിക്കേണ്ട മുന്‍കരുതല്‍ –
1.നിങ്ങളുടെ പിന്‍ നമ്ബര്‍ നല്‍കാന്‍ ഉള്ള റിക്വസ്റ്റ് വന്ന് നിങ്ങള്‍ ചെയ്താല്‍ അത്രയും തുക നിങ്ങള്‍ക്ക് നഷ്ടപ്പെടും.
2. ബാലന്‍സ് /ബാങ്ക് സ്റ്റേറ്റ്മെന്‍റ് മാത്രം പരിശോധിക്കുക
അപരിചിത ആപ്പുകളിലൂടെയുള്ള തട്ടിപ്പ്
അപരിചിത/വെരിഫൈ ചെയ്യാത്ത ആപ്ലിക്കേഷന്‍ ഉപയോഗിക്കുന്നതിലൂടെ തട്ടിപ്പുകാര്‍ക്ക് നമ്മുടെ മൊബൈല്‍, ലാപ്ടോപ്, ഡെസ്ക്ടോപ് തുടങ്ങിയവ ഉപയോഗിക്കാനുള്ള അവസരം നമ്മള്‍ തന്നെ നല്‍കുകയാണ് ചെയ്യുന്നത്.
മുന്‍കരുതല്‍
1. അപരിചിത സ്രോതസ്സുകള്‍ ഡൗണ്‍ലോഡുകള്‍ക്കായി ഉപയോഗിക്കാതിരിക്കുക.
2. ഗൂഗിള്‍ പ്ലേ, ആപ് സ്റ്റോര്‍ തുടങ്ങിയ അംഗീകരിക്കപ്പെട്ട പ്ലാറ്റ്ഫോമുകളില്‍ നിന്ന് മാത്രം ആപ്ലിക്കേഷനുകള്‍ ഡൗണ്‍ലോഡ് ചെയ്യുക.
എ.ടി.എം കാര്‍ഡ് സ്കിമ്മിങ്
കാര്‍ഡ് ഉപയോഗിക്കുന്ന സ്ഥലങ്ങളില്‍ സ്കിമ്മിങ് ഡിവൈസ് ഉപയോഗിച്ച്‌ നമ്മുടെ വിവരങ്ങള്‍ ശേഖരിക്കുകയും ഡമ്മി കീപാഡുകളോ ഒളികാമറയുടെ സഹായത്താലോ നമ്മുടെ പിന്‍ വിവരങ്ങള്‍ മനസ്സിലാക്കുന്നു.
മുന്‍കരുതല്‍
1. എ.ടി.എം സന്ദര്‍ശിക്കുമ്ബോള്‍ കാര്‍ഡ് സ്വൈപ് ചെയ്യുന്ന സ്ലോട്ടുകളില്‍ അസാധാരണമായി അധിക ഉപകരണങ്ങള്‍ ഇല്ല എന്ന് ഉറപ്പുവരുത്തുക.
2.പിന്‍ ടൈപ്പ് ചെയ്യുമ്ബോള്‍ മറ്റാരും കാണാത്ത വിധം കൈ കൊണ്ട് മറച്ചുപിടിക്കുക.
3.സൂപ്പര്‍മാര്‍ക്കറ്റുകള്‍, പെട്രോള്‍ പമ്ബുകള്‍ തുടങ്ങി നാം കാര്‍ഡ് ഉപയോഗിക്കുന്ന എല്ലാ സ്ഥലങ്ങളിലും നമ്മുടെ മുന്നില്‍ വെച്ചുമാത്രം കാര്‍ഡ് സ്വൈപ് ചെയ്യാന്‍ പറയുക.