വ്യാഴാഴ്ച 9,72,590 ഡോസ് വാക്സിൻ എത്തിയതോടെ സംസ്ഥാനത്ത് വീണ്ടും വാക്സിനേഷൻ ആരംഭിച്ചു. വാക്സിനുകൾ ജില്ലകളിലേക്ക് വിതരണം ചെയ്തു തുടങ്ങി. ഇതോടെ മൂന്നു ദിവസമായി തുടരുന്ന വാക്സിൻ പ്രതിസന്ധിക്കാണ് പരിഹാരമായത്.
നാലു ദിവസത്തേക്കുള്ള വാക്സിനാണ് എത്തിയിരിക്കുന്നത്. 8,97,870 കോവിഷീൽഡ് വാക്സിനും 74, 720 കോവാക്സിനുമാണ് സംസ്ഥാനത്ത് ലഭിച്ചത്.
വാക്സിനേഷൻ വീണ്ടും ആരംഭിക്കുന്പോൾ ഉണ്ടാകുന്ന തിരക്ക് ഒഴിവാക്കാൻ ആവശ്യമായ നടപടികൾ സ്വീകരിക്കാൻ ഡിജിപി അനിൽകാന്ത് നിർദേശം നൽകി. സംസ്ഥാനത്ത് ഇതുവരെ ഒന്നും രണ്ടും ഡോസ് ചേര്‍ത്ത് ആകെ 1,90,02,710 പേർക്ക് വാക്‌സിന്‍ നല്‍കിയെന്നാണ് സർക്കാർ കണക്ക്. അതില്‍ 57,16,248 പേര്‍ക്ക് രണ്ട് ഡോസ് വാക്സിനും കിട്ടി.