ബഫർ സോൺ കരട് വിജ്ഞാപനത്തിനെതിരേ ആറളം, കേളകം പഞ്ചായത്തുകൾ സമർപ്പിച്ച ബദൽ നിർദേശം തള്ളിയ കേന്ദ്ര വനം പരിസ്ഥിതി മന്ത്രാലയത്തിനെതിരേ കെസിവൈഎം തലശേരി അതിരൂപത സമിതിയുടെ നേതൃത്വത്തിൽ ഇന്ന് കാസർഗോഡ്, കണ്ണൂർ ജില്ലകളിൽ ഇന്നു വൈകുന്നേരം അഞ്ചിന് യുവജന മതിൽ തീർക്കും. ആറളം വന്യജീവിസങ്കേതത്തിന്റെ ബഫർസോൺ സീറോ പോയിന്റായിതന്നെ നിശ്ചയിക്കണം, ജനങ്ങളെ കുടിയിറക്കാൻ അനുവദിക്കില്ല, ആനമതിൽ നിർമാണം അടിയന്തരമായി പൂർത്തിയാക്കണം, ആനമതിൽ വനാതിർത്തിയായി കണക്കാക്കണം,കർഷകരെയും ആദിവാസികളെയും ജീവിക്കാൻ അനുവദിക്കണം തുടങ്ങിയ ആവശ്യങ്ങൾ ഉന്നയിച്ചാണ് പ്രതിഷേധം സംഘടിപ്പിക്കുന്നതെന്ന് കെസിവൈഎം തലശേരി അതിരൂപത പ്രസിഡന്റ് വിപിൻ ജോസഫ് മാറുകാട്ടുകുന്നേൽ പറഞ്ഞു.
പോരാട്ടത്തില് പൊതുസമൂഹമൊന്നാകെ പങ്കുചേരണമെന്നും അദ്ദേഹം അഭ്യര്ഥിച്ചു.യുവജനമതിലിന് തലശേരി അതിരൂപത ഡയറക്ടർ ഫാ. ജിൻസ് വാളിപ്ലാക്കൽ ജനറൽ സെക്രട്ടറി അമൽ ജോയി കൊന്നക്കൽ, സംസ്ഥാന ട്രഷറർ എബിൻ കുമ്പുക്കൽ വൈസ് പ്രസിഡന്റ് നീന പറപ്പള്ളി, ഡെപ്യൂട്ടി പ്രസിഡന്റ് ടോണി ജോസഫ് ചേപ്പുകാലായിൽ, സെക്രട്ടറി സനീഷ് പാറയിൽ, ട്രഷറർ ജിൻസ് മാമ്പുഴക്കൽ, ജോയിന്റ് സെക്രട്ടറി ഐശ്വര്യ കുറുമുട്ടം, ആനിമേറ്റർ സിസ്റ്റർ പ്രീതി മരിയ,സംസ്ഥാന സിൻഡിക്കറ്റ് അംഗം ചിഞ്ചു വട്ടപ്പാറ എന്നിവർ നേതൃത്വം നൽകും.
previous post