ഇന്ന് കര്ക്കടകം ഒന്ന്. രാമായണ മാസാചരണത്തിന് തുടക്കം.വിശ്വാസത്തിന്റയും ജീവിതചര്യയുടെയും കൂടിചേരലാണ് മലയാളിക്ക് ഈ മാസം. വീടുകളില് ഇന്നു മുതല് രാമായണത്തിന്റെ അലയൊലികള് ഭക്തിസാന്ദ്രമായ അന്തരീക്ഷം സൃഷ്ടിക്കും.
മലയാള വര്ഷത്തിന്റെ അവസാന മാസമാണ് കര്ക്കിടകം. കൃഷിയെ ആശ്രയിച്ചു ജീവിച്ചിരുന്ന പഴമക്കാര് നെല്പ്പാടങ്ങളില് ജോലി ചെയ്തും വിതച്ചും കൊയ്തും കിട്ടുന്നത് കൊണ്ട് ജീവിച്ചു പോന്ന മാസം. കഷ്ടപ്പാടുകള്ക്ക് അറുതിവരുത്താന് അവര് പ്രാര്ഥനകളില് മുഴുകി.
പഴമയുടെ ഓര്മ്മയില് മലയാളികള് ഇന്നും കര്ക്കടകത്തെ രാമായണ മാസമായി ആചരിക്കുന്നു. ഹൈന്ദവ കുടുംബങ്ങളിലും ക്ഷേത്രങ്ങളിലും നടത്തിവരുന്ന ഒരു മാസം നീണ്ടുനില്ക്കുന്ന രാമായണം വായന ഈ മാസമാണ് നടത്താറുള്ളത്. അതോടൊപ്പം ചിലര് വ്രതമെടുക്കുന്നു. അതിനാല് കര്ക്കടകം ‘രാമായണമാസം’ എന്നും അറിയപ്പെടുന്നു. കേരളത്തിലെ വിവിധ ക്ഷേത്രങ്ങളില് ഇന്ന് പ്രത്യേക പൂജകളുമായി രാമായണ മാസാചരണം ആരംഭിക്കും.
പഴമയിലെ കര്ക്കടകത്തിലെ കഷ്ടകാലം ഇന്നില്ലെങ്കിലും കൊവിഡ് ഉള്പ്പെടെയുള്ള മഹാമാരിക്കാലത്തെ ദുരിതം പേറുന്ന കര്ക്കടകമാസംകൂടിയാണ് ഇത്തവണത്തെ കര്ക്കടകം.