സ്കൂള് അധ്യാപകരായി നിയമന ഉത്തരവ് ലഭിച്ചവരെ ഉടന് ജോലിയില് പ്രവേശിപ്പിക്കാന് സര്ക്കാര് തീരുമാനം. സ്കൂള് അധ്യാപക നിയമനവുമായി ബന്ധപ്പെട്ട കാര്യങ്ങള് ചര്ച്ച ചെയ്യാന് മുഖ്യമന്ത്രി പിണറായി വിജയന്റെ നേതൃത്വത്തില് ചേര്ന്ന ഉന്നതതല യോഗത്തിലാണ് തീരുമാനം.
സര്ക്കാര്, എയ്ഡഡ് സ്കൂളുകളില് അധ്യാപക നിയമന ഉത്തരവ് ലഭിച്ചവര്ക്ക് ജോലിയില് പ്രവേശിക്കാന് ഇതിലൂടെ സാധിക്കുമെന്നു പൊതു വിദ്യാഭ്യാസ മന്ത്രിയുടെ ഓഫീസ് അറിയിച്ചു. കോവിഡ് വ്യാപനത്തെ തുടര്ന്ന് സ്കൂളുകള് തുറക്കാതെ വന്നതോടെ നിയമന ഉത്തരവ് ലഭിച്ചിട്ടും നിരവധി അധ്യാപകര്ക്ക് ജോലിയില് പ്രവേശിക്കാന് കഴിഞ്ഞിരുന്നില്ല.
ഇക്കാര്യം നിരവധി തവണ മുഖ്യമന്ത്രി, വിദ്യാഭ്യാസ മന്ത്രി ഉള്പ്പെടെയുള്ളവരുടെ ശ്രദ്ധയില് മാധ്യമങ്ങള് കൊണ്ടുവന്നിരുന്നു. ഇതേ തുടര്ന്നാണ് മുഖ്യമന്ത്രി യോഗം വിളിച്ചത്.