കാ​ട്ടാ​ന വ്യാ​പ​ക​മാ​യി കൃ​ഷി ന​ശി​പ്പി​ച്ചു

കീ​ഴ്പ​ള്ളി: കീ​ഴ്പ​ള്ളി​ പരിപ്പ്തോടിനടുത്ത് കാ​ട്ടാ​ന വ്യാ​പ​ക​മാ​യി കൃ​ഷി ന​ശി​പ്പി​ച്ചു. ആ​യി​ഷ ഫാം ​എ​സ്റ്റേ​റ്റി​ന​ക​ത്തു സ്ഥ​ലം പാ​ട്ട​ത്തി​നെ​ടു​ത്ത് കൃ​ഷി ചെ​യ്യു​ന്ന മു​ഹ​മ്മ​ദി​ന്‍റെ 1200 ഓ​ളം കു​ല​ച്ച​ത​ട​ക്ക​മു​ള്ള നേ​ന്ത്ര​വാ​ഴ​ക​ളും 40 ഓ​ളം കു​ല​ച്ച​തും കു​ല​യ്ക്കാ​ത്ത​തു​മാ​യ തെ​ങ്ങു​ക​ളും ഒ​രേ​ക്ക​റോ​ളം മ​ര​ച്ചീ​നി കൃ​ഷി​യും തൈ​ക​ള​ട​ക്ക​മു​ള്ള ക​മു​കു​മാ​ണ് കാ​ട്ട​ന​ക്കൂ​ട്ടം ന​ശി​പ്പി​ച്ച​ത്.
എ​ട്ടു​ല​ക്ഷം ബാ​ങ്ക് വാ​യ്പ​യെ​ടു​ത്ത് കൃ​ഷി ചെ​യ്ത ക​ർ​ഷ​ക​ൻ ക​ട​ക്കെ​ണി​യി​ലാ​യ​തി​നാ​ൽ ഇ​നി​യെ​ന്ത് ചെ​യ്യു​മെ​ന്ന അ​വ​സ്ഥ​യി​ലാ​ണ്. എ​ത്ര​യും പെ​ട്ടെ​ന്ന് ന​ഷ്ട പ​രി​ഹാ​രം ന​ൽ​കി ക​ർ​ഷ​ക​നെ സം​ര​ക്ഷി​ക്ക​ണ​മെ​ന്ന് സ്ഥ​ലം സ​ന്ദ​ർ​ശി​ച്ച ഇ​രി​ട്ടി ബ്ലോ​ക്ക്‌ പ​ഞ്ചാ​യ​ത്ത് പ്ര​സി​ഡ​ന്‍റ് കെ.​വേ​ലാ​യു​ധ​ൻ ആ​വ​ശ്യ​പ്പെ​ട്ടു.
പെരുന്പുന്ന: പെ​രു​മ്പു​ന്ന മൈ​ത്രി​ഭ​വ​ന് സ​മീ​പം കാ​ട്ടാ​ന​യി​റ​ങ്ങി കൃ​ഷി ന​ശി​പ്പി​ച്ചു. ഇ​ന്ന​ലെ പു​ല​ർ​ച്ചെ മൂ​ന്നോ​ടെ ജ​ന​വാ​സ കേ​ന്ദ്ര​ത്തി​ലെ​ത്തി​യ കാ​ട്ടാ​ന തെ​ങ്ങും​പ​ള്ളി റോ​യി​യു​ടെ കാ​ർ​ഷി​ക വി​ള​ക​ളാ​ണ് ന​ശി​പ്പി​ച്ച​ത്. നി​ര​വ​ധി കു​ല​ച്ച വാ​ഴ​ക​ൾ കാ​ട്ടാ​ന ച​വി​ട്ടി ന​ശി​പ്പി​ച്ചു. പ്ര​ദേ​ശ​ത്ത് കാ​ട്ടാ​ന ശ​ല്യം പ​തി​വാ​യി​ട്ടും വ​ന​പാ​ല​ക​ർ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ന്നി​ല്ലെ​ന്ന് നാ​ട്ടു​കാ​ർ പ​റ​ഞ്ഞു.