ലോക്ഡൗണിനെത്തുടർന്ന് ദക്ഷിണ റെയിൽവേ നിർത്തലാക്കിയ പല ട്രെയിനുകളും നാളെ മുതൽ ഓടിത്തുടങ്ങും. ഇന്‍റർസിറ്റി എക്സ്പ്രസ്, ജനശതാബ്ദി എക്സ്പ്രസ് എന്നിവയുൾപ്പെടെ നിർത്തിവച്ച ട്രെയിൻ സർവീസുകളാണ് ബുധനാഴ്ച മുതൽ ഓടിത്തുടങ്ങുക.
ഈ ട്രെയിനുകളിലേക്കുള്ള റിസർവേഷൻ ആരംഭിച്ചിട്ടുണ്ട്. മാത്രമല്ല കൂടുതൽ ദീർഘദൂര ട്രെയിനുകൾ സർവീസ് നടത്തുന്നതു സംബന്ധിച്ച് റെയിൽവേ ഉടൻ പ്രഖ്യാപനം നടത്തുമെന്നറിയുന്നു.
ലോക്ക്ഡൗൺ തുടങ്ങിയതിന് ശേഷം യാത്രക്കാരില്ലാത്തതിനാൽ പല തീവണ്ടികളും ദക്ഷിണ റെയിൽവേ റദ്ദാക്കിയിരുന്നു.