ഇരിട്ടിയിൽ കളിക്കുന്നതിനിടയിൽ അബദ്ധത്തിൽ വാതിൽ ലോക്കായി മുറിക്കുള്ളിൽ കുടുങ്ങുങ്ങിയ കൊച്ചു കുട്ടിയെ ഇരിട്ടി അഗ്നിശമന സേനയുടെ നേതൃത്വത്തിൽ വാതിൽ തുറന്നു പുറത്തിറക്കി. ഇരിട്ടി ഹാജിറോഡ്, ആൽത്തറശേരി ഷിബിൻ ജോൺ എന്നവരുടെ മൂന്ന് വയസ്സുള്ള മകൻ ഡേവിഡാണ് കളിക്കിടയിൽ മുറിക്കുള്ളിൽ കുടുങ്ങിപോയത്. ഇരിട്ടി നിലയത്തിൽ സഹായം ആവശ്യപ്പെട്ട പ്രകാരം സ്റ്റേഷൻ ഓഫീസർ രാജേഷ് സി.പി യുടെ നേതൃത്വത്തിലുള്ള ഇരിട്ടി അഗ്നിശമന സേന സ്ഥലത്ത് എത്തുകയും വാതിൽ തുറക്കുകയുമായിരുന്നു.
എൽ എഫ് എം ബെന്നി ദേവസ്യ, പ്രവീൺ കുമാർ, രാഹുൽ, ജ്യോതിഷ്, നവേദ്, ഷാനിഫ്, റോബിൻ, ഹോംഗാർഡ്മാരായ വിനോയ്, ബാലകൃഷ്ണൻ, സിവിൽ ഡിഫൻസ് അംഗങ്ങളായ അനീഷ് കുമാർ, നിധീഷ് ജേക്കബ്, അരുൺ ബാലക്കണ്ടി, എന്നിവരടങ്ങിയ സംഘമാണ് രക്ഷാ പ്രവർത്തനം നടത്തിയത്.