കണ്ണൂർ: മഴക്കാല കെടുതികളില്‍ കാര്യക്ഷമമായി ഇടപെടുന്നതിനും അടിയന്തരഘട്ടങ്ങളില്‍ സുരക്ഷാപ്രവര്‍ത്തനങ്ങള്‍ ഏകോപിപ്പിക്കുന്നതിനുമായി ജില്ലയില്‍ ഇന്‍സിഡന്‍റ് റെസ്‌പോണ്‍സ് ടീമിന് (ഐആര്‍എസ്) രൂപം നല്‍കി. മഴക്കാല ദുരന്തങ്ങളെ മുന്നില്‍ക്കണ്ട് ദുരന്തനിവാരണ അഥോറിറ്റിയുടെ നിര്‍ദേശപ്രകാരമാണ് വിവിധ വകുപ്പുകളെ ഏകോപിപ്പിച്ച് ഇന്‍സിഡന്‍റ് റെസ്‌പോണ്‍സ് ടീം രൂപീകരിച്ചത്. ഇതേമാതൃകയില്‍ താലൂക്കുകളിലും ഐആര്‍എസുകള്‍ രൂപീകരിച്ചിട്ടുണ്ട്. ദുരന്തനിവാരണ അഥോറിറ്റി ചെയര്‍മാന്‍ കൂടിയായ കളക്ടറാണ് ജില്ലാതല ഇന്‍സിഡന്‍റ് റെസ്‌പോണ്‍സ് ടീമിന്‍റെ റെസ്‌പോണ്‍സിബിള്‍ ഓഫീസര്‍. ദുരന്തനിവാരണ അഥോറിറ്റി സിഇഒ ഇന്‍സിഡന്‍റ് കമാൻഡറും ദുരന്തനിവാരണ വിഭാഗം ജൂണിയര്‍ സൂപ്രണ്ട് ഡെപ്യൂട്ടി ഇന്‍സിഡന്‍റ് കമാൻഡറുമാണ്. തലശേരി സബ് കളക്ടര്‍ ലെയ്‌സണ്‍ ഓഫീസറായും ജില്ലാ ഫയര്‍ ഓഫീസര്‍ സേഫ്റ്റി ഓഫീസറായും ജില്ലാ പോലീസ് മേധാവി ഓപ്പറേഷന്‍ സെക്ഷന്‍ ചീഫായും ജില്ലാ ഇന്‍ഫര്‍മേഷന്‍ ഓഫീസര്‍ ഇന്‍ഫര്‍മേഷന്‍ ആന്‍ഡ് മീഡിയ ഓഫീസറായും പ്രവര്‍ത്തിക്കും.
ജില്ലയില്‍ ഇന്‍സിഡന്‍റ് റെസ്‌പോണ്‍സ് ടീമിന് (ഐആര്‍എസ്) രൂപം നല്‍കി
