തിരുവനന്തപുരം: സംസ്ഥാനത്ത് രണ്ടാഴ്ച ലോക്ക്ഡൗണ് പ്രഖ്യാപിക്കണമെന്ന് കെജിഎംഒഎ. കോവിഡ് രോഗികളുടെ എണ്ണം ദിനംപ്രതി വർദ്ധിച്ചു വരുന്ന സാഹചര്യത്തില് രണ്ടാഴ്ച ലോക്ക്ഡൗണ് വേണമെന്നും കൂടുതല് ആരോഗ്യപ്രവര്ത്തകരെ നിയമിക്കണമെന്നുമാണ് കെജിഎംഒഎ നല്കുന്ന നിര്ദ്ദേശം. എട്ടിന നിര്ദ്ദേശങ്ങളാണ് കെജിഎംഒഎ സമര്പ്പിച്ചത്.
ജനിതക വ്യതിയാനം വന്ന വൈറസ് വ്യക്തികളില് നിന്ന് വ്യക്തികളിലേക്ക് വായുമാര്ഗത്തിലൂടെയും പകരും എന്ന് പഠനങ്ങള് സൂചിപ്പിക്കുന്നു. ഒരു രോഗിയില് നിന്ന് നൂറുകണക്കിന് പേരിലേക്ക് ഇത് പകരാന് ഇടവരുത്തുന്നുണ്ട്. ഈ സാഹചര്യം കണക്കിലെടുത്താണ് സംസ്ഥാനത്ത് രണ്ടാഴ്ച ലോക്ക്ഡൗണ് ഏര്പ്പെടുത്തമെന്നാണ് കെജിഎംഒഎ നിര്ദ്ദേശിക്കുന്നത്.