കണ്ണൂര്: കണ്ണൂര് സിറ്റി പോലീസ് പരിധിയിലെ പോലീസ് സ്റ്റേഷനുകളില് ബോംബുകൾക്കും ആയുധങ്ങൾക്കുമായി തെരച്ചിൽ നടത്തി. സിറ്റി പോലീസ് കമ്മീഷണര് ആർ. ഇളങ്കോയും നിർദേശപ്രകാരം ജില്ലാ ബോംബ് സ്ക്വാഡ്, ഡോഗ് സ്ക്വാഡ് അതാതു സ്റ്റേഷന് പോലീസ് സേനാംഗങ്ങളും പരിശോധനയില് പങ്കെടുത്തു.
കതിരൂര്, കൊളവല്ലൂര്, പിണറായി, ന്യൂ മാഹി, തലശേരി, പാനൂര്, ധര്മടം, കൂത്തുപറമ്പ്, എടക്കാട്, വളപട്ടണം എന്നീ സ്റ്റേഷന് പരിധികളില് ആണ് പരിശോധന പൂര്ത്തിയായത്. മേല്പ്പറഞ്ഞ പോലീസ് സ്റ്റേഷന് പരിധിയിലെ 38 പ്രദേശങ്ങളില് ആണ് ബോംബുകൾ, ആയുധങ്ങള് കണ്ടെത്തുന്നതിനായി പരിശോധന നടത്തിയത്. പരിശോധന തുടരുമെന്ന് സിറ്റി പോലീസ് അറിയിച്ചു.